7 сакавіка Зміцер Вайцюшкевіч і гурт WZ–Orkiestra выступяць у Мінску з праграмай «Вясновы дзень», прысвечанай прыгажосці вясны і ўсіх жанчын свету.
Назву праграме дала песня на словы Рыгора Барадуліна, напісаная да альбома «Паравоз кахання» ў 2004 годзе. Яна пра першае каханне, якое хутка прыходзіць, хутка сыходзіць, але застаецца назаўжды.
– Для мяне 8 сакавіка – гэта свята жыцця. І прыроднага, і чалавечага. Бо жыццё – гэта каханне, а каханне – гэта жанчына і вясна. На канцэрце будзем віншаваць усіх: ад «пані трошкі ў гадах» да «юных фей», – кажа Зміцер Вайцюшкевіч.
У канцэрце таксама прагучаць песні на вершы Алеся Камоцкага, Генадзя Бураўкіна, Уладзіміра Някляева, Уладзіміра Караткевіча і іншых аўтараў.
Зміцер Вайцюшкевіч & WZ–Orkiestra з праграмай «Вясновы дзень»
7 сакавіка – Мінск, ПК імя Шарко (вул. Уральская, 3) – 19:00
Квіткі ад 23 руб. у касах і на сайце аператара Kvitki.by
Інфалінія: +375336611432
