24.12.2015 | Навіны "Будзьма!"

Галоўныя падзеі года па версіі “Будзьма беларусамі!”

Колькі людзей — столькі поглядаў і меркаванняў. Каманда кампаніі “Будзьма беларусамі!” таксама мае ўласнае бачанне самых адметных падзеяў у 2015 годзе. Дзелімся з вамі тым, чым мы жылі, над чым працавалі, што нас найбольш узрушыла.

 

Гістарычная падзея

 

Гэты год застанецца ў гісторыі годам, калі Беларусь канчаткова ўпісала сябе ў сусветную літаратуру. 8 кастрычніка Святлана Алексіевіч стала першай беларускай, якая атрымала Нобелеўскую прэмію

 

Грамадскія акцыі і падзеі

1. Стагоддзе беларускай легальнай школы

13 лістапада 1915 года ў Вільні была заснаваная першая афіцыйная беларуская школа, якая дала легальны пачатак масаваму беларускаму школьніцтву. Менавіта гэтая дата ў міжваеннай Заходняй Беларусі і ў БССР у 1920-я гады святкавалася як Дзень беларускай школы.

“Першага верасня” беларускай школы

2. Акцыя #нобельразам

Ініцятыва арганізацый “Цытуй сваё!”, у якую ўваходзяць Міжнародны кансорцыюм “ЕўраБеларусь”, грамадская культурніцкая кампанія “Будзьма беларусамі!”, Лятучы універсітэт, курсы беларускай мовы “Мова Нанова” і Беларускі Калегіюм, прапанавала беларусам адсвяткаваць такую важную падзею ў жыцці нашага грамадства ўсёй краінай.

3. Мова Нанова ў Таронта

Курсы беларускай мовы “Мова Нанова” даўно выйшлі за межы рэспублікі, але цяпер дабраліся да іншага кантынента.

Калядны выпуск Мова Нанова ў Таронта

 

Культурніцкія падзеі

1. Шосты фестываль беларускамоўнай рэкламы і камунікацыі ,.!adnak

Штогадовы Фестываль беларускамоўнай рэкламы і камунікацыі ,.!adnak у шосты раз падвёў вынікі развіцця беларускамоўнага рэкламна-камунікацыйнага рынку за год і ўзнагародзіў аўтараў найлепшых работ. Фестывальны дзень адбыўся 2 ліпеня ў Мінску.

www.adnak.by

2. Вечар памяці Рыгора Барадуліна і Генадзя Бураўкіна у Белдзяржфілармоніі

Вечарына памяці паэтаў Рыгора Барадуліна і Генадзя Бураўкіна адбылася 10 лістапада ў Белдзяржфілармоніі. Пачаўся канцерт з выступу спевака Змітра Вайцюшкевіча…

3. Свята роднай мовы

«Свята роднай мовы» прайшло 22 лютага ў менскім бізнэс-клубе Imaguru. Мерапрыемства было прымеркавана да Міжнароднага дня роднай мовы, заснаванага ЮНЭСКА.

Як прайшоў дзень роднай мовы ў Мінску (Фота)

 

Культурніцкія дыскусіі

1. Рэгіянальныя ток-шоў кампаніі “Будзьма беларусамі!”

Падчас ток-шоў у 2015-м годзе мы разам абмеркавалі пытанні выхавання дзетак і “сарамлівасці” беларускай культуры, сустракаліся са знанымі беларускімі спартоўцамі і вучыліся ў іх мужнасці і ўпартасці, вынаходзілі новыя фарматы папулярызацыі беларускай літаратуры і развіцця культуры чытання.

2. “Стыль як фактар ідэнтычнасці” Міхала Анемпадыстава

Вялікі (у некалькіх частках!) праграмны тэкст Міхала Анемпадыстава грунтоўна, гістарычна і аб’ектыўна праходзіцца па найважнейшых кропках аўтэнтычнага беларускага стылю і вобразу, яго ўспрыманні і трактоўках у сучасным грамадстве.

Першая частка:  Стыль як фактар ідэнтычнасці (Частка 1)

3. Дыскусія вакол Нобелеўскай прэміі

Інфармацыя пра Нобелеўскую прэмію Святланы Алексіевіч актывізавала дыскусію вакол пісьменніцы, мовы творчасці і нацыянальных каштоўнасцяў.

Сяргей Навумчык “Як быць з Алексіевіч?”

 

Літаратурныя перамогі

1. Прызнанне

Сярод шматлікіх гучных і не вельмі перамог беларускай літаратуры нам запомніліся: Андрэй Хадановіч атрымаў прэмію Польскага ПЭН-клуба за пераклады польскай паэзіі, аўстрыйскі тэатр паставіў п’есу Віктара Марціновіча, Купалаўскі тэатр ставіць спектакаль «Шабаны» паводле аднайменнага рамана Альгерда Бахарэвіча. А “Саюз беларускіх пісьменнікаў” угнараваны прэміяй “Heroes of Copyright 2015” за актыўную дзейнасць у абароне аўтарскага права.

2. Кнігарні

У 2015 годзе адчынілася кнігарня “Кніжная шафа”, наноў адчыніліся “Галіяфы”, а кнігарню “Логвінаў” ратавалі ледзь не ўсім светам.

3. Росквіт дзіцячай літаратуры

Галоўнай мастацкай кнігай году названая дзіцячая кніга Андрэя Хадановіча “Нататкі таткі”. З’яўляюцца такія кнігі, як «Пэтсан і Фіндус святкуюць Каляды», “Як Васілёк выратаваў каралеўства”, а таксама ладзяцца сустрэчы з Сарай Лундберг і Юяй Вісландэр, аўтаркай “Мамы Му”.

 

Галоўныя музычныя падзеі

1. Global Reload

Папоўніўся новымі песнямі праект “Global Reload”, задуманы кампаніяй “Будзьма беларусамі!” і парталам Tuzin.fm для папулярызацыі беларускай мовы. Андрэй Макарэвіч запісаў для праекта сваю першую песню на беларускай мове “Снег”, а Сяргей Жадан з гуртом “Собаки в космосі” пераспявалі па-ўкраінску хіт гурта “Мроя” “Я рок-музыкант”.

2. Крамбамбуля

Беларускі гурт «Крамбамбуля» прэзентуе новы альбом «Чырвоны Штраль» у Вільні, дзе грае аншлагавы канцэрт і пасля атрымлівае званне “Героі году”.

3. Заспявай 2.0

Незалежны конкурс для маладых выканаўцаў не толькі актывізуе моладзь ствараць новыя песні на вершы сучасных паэтаў, пераасэнсоўваць старыя беларускія песні, але і ўсё лета праводзіць штотыднёвыя выступы ўдзельнікаў конкурса.

 

Рэалізаваныя ідэі з Кірмашоў праектаў “Будзьмы!”

1. Барадулінкі ў Віцебску

У дні горада-2015 ў Віцебску ўпершыню прайшлі мерапрыемствы, прысвечаныя памяці Рыгора Іванавіча Барадуліна. Шэраг ініцыятыў, што рэалізаваліся ў дворыку дома №7 па вуліцы Талстога, атрымалі агульную назву – “Барадулінкі”.

2. Першы гарадскі пікнік у Магілёве

У Магілёве на тэрыторыі гарадскога пляжа, што на беразе Дняпра, адбыўся першы ў сваім родзе гарадскі пікнік.

3. Свята ветру ў Віцебску

Свята ветру — адзін з нефармальных брэндаў Віцебска.

 

Галоўныя анлайн праекты на budzma.by

1. Байцоўскі ген

Праект “Байцоўскі ген” працягваў знаёміць чытачоў з цікавымі беларускімі спартоўцамі і сачыць за поспехамі сваіх героеў.

2. Аўтарскія калонкі

Аўтарскія тэксты Віктара Марціновіча былі самымі наведвальнымі матэрыяламі сайта на працягу 2015-га года, гісторыкі Аляксей Янушкевіч і Канстанцін Касяк своечасова і трапна адгукаліся гістарычнымі аналогіямі на падзеі сучаснасці, а амбасадар Вялікабрытаніі Брус Бакнэл прадстаўляў шыкоўныя рэфлексіі з нагоды актуальных падзеяў. На жаль, з апошнім са згаданых мы развітваемся – праз завяршэнне дыпламатычнай місіі ў Беларусі. Памятайце пра нас!

3. Флэшмоб дабрыні #Будзільнік

У перадсвяточныя дні мы абвесцілі акцыю дабрыні і прапанавалі разам адзначаць кожны дзень набліжэння Калядаў невялічкай, нескладанай, але добрай справай! За гэты час сотні людзей тым ці іншым чынам далучыліся да ініцыятывы, выканаўшы, падзяліўшыся, альбо проста лайкнуўшы ў сацыяльных сетках нашыя заданні. Хочацца верыць, што дзякуючы гэтаму свет зрабіўся крышачку дабрэйшы.

 

Супольныя праекты

 

1. Трыумф складанай музыкі

Пераможца штогадовай прэміі Experty.by ў намінацыі “Найлепшы беларускамоўны альбом” гурт Tonqixod атрымаў рэкламна- інфармацыйную падтрымку сольнага канцэрта ад кампаніі “Будзьма беларусамі!”. Гэты канцэрт, які атрымаў назву «Галасы» прайшоў у Рэспубліканскім тэатры беларускай драматургіі, і стаў фактычна першым сольным выступам гурта за яго трохгадовую гісторыю.

2. Будзьма з цмокамі

Фестываль міфалогіі “У госці да Лепельскага Цмока” прайшоў 8 жніўня ўжо другі раз. Сёлета фестываль стаў міжнародным і сабраў прадстаўнікі Латвіі, Польшчы, Славакіі ды Расіі.

3. Праекты “Краіна” і “Я нарадзіўся там”

У межах супольных праектаў з часопісам “Большой” мы за чатыры месяцы аб’ехалі амаль усю “Краіну”, а таксама пабачылі, як нашым жывецца “там”.


Дадаць каментар

*

*

Апошнія навіны

Яндекс.Метрика