Будзьма беларусамі!

Напярэдадні выхаду новага эпізоду культавай сагі “Зорныя войны” мінскі гурт HURMA прэзентуе кліп на песню “Люк, я твой тата”. Культавы радок з быў узяты невыпадкова: песня распавядае гісторыю чалавека, які вырас без таты. У кліпе з’яўляецца і той самы галівудскі Дарт Вэйдэр, якога хлопчык прымае за свайго бацьку.

Рэжысёрам новага відэа стаў Арцём Лобач. Гэта ўжо другая праца беларускага кліпмэйкера ў супрацоўніцтве з гуртом HURMA. Гулоўную ролю ў кліпе сыграў маленькі акцёр з Магілёву Іван Клімовіч.

Арцём Лобач так пракаментаваў сваю новую работу:“Апошнім часам у сваіх працах я паўтараю тое, што раней спрабаваў зняць. Для сябе я шукаў дасканалага ўвасаблення той ці іншай ідэі, але для гледача часцяком гэта выглядала, як прыклад майго дробнага ўяўлення. І ўжо ў некалькіх апошніх кліпах я больей прыслухоўваюся да задум музыкантаў, унікаю ў сэнс, закладзены імі. Таму прапанаваная ідэя Мікіты папрацаваць з вобразам Дарт Вэйдэра была сустрэнутая мной як выклік сабе самому. Але не сам герой вядомага фільма адкрыў мне глыбіню задумы песні, як тое, што схавана за медыйным вобразам”.

Тэкст песні «Люк, я твой тата» напачатку года быў апублікаваны ў дэбютным паэтычным зборніку “Развітанцы” Мікіты Найдзёнава. Кніга ўвайшла ў шорт-ліст літаратурнай прэміі “Дэбют” імя Максіма Багдановіча.

Новую песню, а таксама іншыя прэм’еры гурта HURMA можна будзе пачуць 8 снежня на канцэрце ў TNT Rock Club. Уваход вольны. Пачатак у 20.00.

Глядзіце таксама:

Арцём Лобач: “Большасць музыкаў пра візуальны складнік не задумваецца”