13.03.2017 | Культура

Растаньчым Беларусь! Конкурс беларускіх танцаў “Мяцеліца” (фота)

12 сакавіка ў Мінскім міжнародным адукацыйным цэнтры імя Ёганэса Раў адбыўся штогадовы Конкурс выканаўцаў беларускіх народных танцаў “Мяцеліца”.

IMG_5012

IMG_5018

Удзельнікаў свята ад імя арганізатараў прывіталі Мікалай Козенка (Школа традыцыйнага мастацтва), Тадэвуш Стружэцкі (Беларускі фонд культуры) і Ніна Шыдлоўская (ГКК “Будзьма беларусамі!”, МГА “Згуртаванне беларусаў свету “Бацькаўшчына”).

IMG_5022

IMG_5024

У сваім прывітальным слове Ніна Шыдлоўская адзначыла: “У апошнія гады мы назіраем, як у беларускім грамадстве расце цікаўнасць да беларускай культуры. Праз адчуванне душэўнай патрэбы ці з прагматычных прычынаў – галоўнае вынік: абуджэнне і ўзмацненне нацыянальнай свядомасці, якая і ёсць сапраўдным апірышчам незалежнасці нашай любай Беларусі.

IMG_5082

IMG_5115

Нашы суайчыннікі ўсе часцей звяртаюцца да роднай мовы, уважлівей прыслухоўваюцца да беларускай музыкі і вышэй цэняць нацыянальнае выяўленчае мастацтва і дызайн. Беларускія арнаменты ўжо можна ўбачыць не толькі ў музеях, а мову пачуць не толькі на ўроках ці ў вузкіх асяродках.

IMG_5137

IMG_5140

Няма сумневу, што такі самы лёс чакае і беларускія танцы – старажытнейшы за іншыя віды мастацтваў, самабытнейшы нават за саму мову. Жыццярадасныя і эмацыйныя “Лявоніха”, “Крыжачок”, “Мяцеліца”, у гонар якой і названы фэст – і цяпер своеасаблівыя беларускія візітоўкі, якія ва ўсім свеце пазнаюць з першых тактаў. Бо беларуская харэаграфія – гэта не проста танцы. Гэта абуджэнне нацыянальных кодаў!”.

IMG_5081

IMG_5147

Ніжэй падаем вялікі фотарэпартаж з мерапрыемства.

 

Фота: Яўген Ерчак


Дадаць каментар

*

*

Апошнія навіны

Яндекс.Метрика