Фота Сержа Трыгубовіча, flickr.com.

У Нью-Ёрку 11 сакавіка прайшоў парад на роварах, прымеркаваны да 100-годдзя Беларускай Народнай Рэспублікі. Яго арганізавала беларуская моладзь. Больш за тры дзясяткі ўдзельнікаў параду праехалі 8,5 км пад бел-чырвона-белымі сцягамі. Па дарозе яны спявалі беларускія песні. Фотарэпартаж гл. тут.

100-годдзе абвяшчэння дзяржаўнай незалежнасці БНР прыпадае на 25 сакавіка. З гэтай нагоды ў Мінску пройдзе некалькі вулічных акцый, дазволеных уладамі.