Адкрыццё экспазіцыі “З усмешкай па жыцці…”
Пачатак: 26.01 (17:00)Дзяржаўны музей гісторыі беларускай літаратуры
26 студзеня 2018 года а 17 гадзіне запрашаем у Дзяржаўны музей гісторыі беларускай літаратуры на імпрэзу, прысвечаную прэзентацыі збору твораў у 8-мі тамах Сяргея Давідовіча і адкрыццю часовай мастацкай экспазіцыі “З усмешкай па жыцці…”.
Сяргей Фёдаравіч Давідовіч – беларускі паэт, празаік, кінасцэнарыст і мастак. Яго творчасць ахоплівае шырокі спектр літаратурных жанраў: вершы, паэмы, аповесці, апавяданні, замалёўкі, гумарэскі, казкі. Лёс Сяргея Фёдаравіча вельмі насычаны і цікавы: ён працаваў у праваахоўных органах, потым дэпутатам, але душа заўсёды цягнулася да праблем гуманістычных. Свае першыя вершы ён напісаў у падлеткавым узросце, а маляваць пачаў нечакана – у 50 гадоў. На Лагойшчыне, у родных ваколіцах, ён знаходзіў творчыя падказкі, тэмы, сюжэты для сваіх твораў і карцін.
Жыццё, як і жывапіс, шматколернае. Таму на выставе “З усмешкай па жыцці…” Сяргей Фёдаравіч прапануе шэраг работ са здаровымі, жыццесцвярджальнымі, гарэзлівымі жартамі і усмешкамі. На гэтых жанравых карцінах старыя вяскоўцы – поўныя гумару, аптымізму і весялосці.
У прэзентацыі прымуць удзел старшыня Мінскага гарадскога аддзялення Саюза пісьменнікаў Беларусі – Міхаіл Паўлавіча Пазнякоў, дырэктар Інстытута літаратуразнаўства імя Янкі Купалы – Іван Васільевіч Саверчанка, народная артыстка Беларусі – Марыя Георгіеўна Захарэвіч і інш.
Месца правядзення: Дзяржаўны музей гісторыі беларускай літаратуры
(вул. М. Багдановіча, 13)
Кантактны тэлефон: (017) 334-56-21.
Куратар мерапрыемства: малодшы навуковы супрацоўнік Аксана Жлобіч.
