10 жніўня а 17-ай гадзіне ў мастацкай галерэі “Універсітэт культуры” (Палац Рэспублікі) адбудзецца адкрыццё выставы аўтарскіх эксклюзіўных трыкатажных мадэляў дызайнера Людмілы Хрол “Свой стыль”.
Праект падрыхтаваны ў межах Рэспубліканскай акцыі “Маладзечна – культурная сталіца Беларусі 2016 года” пры ўдзеле Маладзечанскага дабрачыннага фонду “Спадчына Міхала Клеафаса Агінскага”, сябрам якога з’яўляецца аўтар.
На выставе прадстаўлены лёгкае адзенне, сумкі, аксэсуары, верхняе адзенне.
Людміла Хрол нарадзілася ў горадзе Маладзечна. Прафесійную адукацыю атрымала на вучэбна-вытворчым камбінаце пры швейнай фабрыцы “Бярозка” па спецыяльнасці “краўчыха верхняга мужчынскага, жаночага і дзіцячага адзення”. Працавала манекеншчыцай, лекальшчыцай эксперыментальнай лабараторыі названага прадпрыемства, закройшчыцай атэлье “Золушка” пры заводзе “Электрамодуль”, а таксама ў атэлье прадпрыемства “Хайбел”. У цяперашні час – вольны майстра, мастак- дызайнер. Персанальныя выставы аўтара праходзілі ў розных гарадах краіны.
Кантактныя тэлефоны:
(8029) 260-69-69 (мастак-дызайнер Людміла Хрол);
(8029)853-75-98 (дырэктар галерэі Павел Сапоцька).
Выстава працуе да 31 жніўня 2016 года
Адрас галерэі: Кастрычніцкая пл., 1 (Палац Рэспублікі)
Тэл. / факс: 327-26-12
Час працы: 11.00-19.00.
Выхадныя: субота, нядзеля
Уваход вольны
