11 чэрвеня пройдзе бізнес-сняданак «Invent Yourself”, арганізаваны студэнцкімі арганізацыямі БАСС і ЦРСІ з удзелам HR-эксперта, практыка, Святланы Тарулене. Святлана працавала ў банкаўскай сферы, у вытворчых, гандлёвых і сэрвісных кампаніях. На працягу 15 гадоў займала кіруючыя пазіцыі ў арганізацыях колькасцю ад за 5 000 чалавек (АЗБ «Беларусбанк», ААТ “БПС-Сбербанк”, ААТ «Белінвестбанк», СП «Санта Імпэкс Брэст» ААТ), managerial coach. Сфера прафесійных інтарэсаў – HRM і кансалтынг, арганізацыйнае развіццё, камунікацыйны менеджмент і бізнес-камунікацыі, даследаванні ў PR. Аўтар шэрагу артыкулаў прафесійнай тэматыкі, член аргкамітэта і ўдзельнік міжнародных HR-кангрэсаў у Рэспубліцы Беларусь, удзельнік праектнай групы па стварэнні першага HR-стандарту Беларусі, выкладчык HR-універсітэта БДУ.
Тэма сустрэчы – “Шукаць працу – гэта таксама праца”. Пачатак сустрэчы а 11:00.
Якія практычныя пытанні будуць разгледжаны на сустрэчы?
Стратэгія і тактыка пошуку працы і выбару працадаўцы;
Як скласці рэзюмэ і суправаджальны ліст;
Паводзіны на сумоўі – “шкодныя парады”;
“Лайфхакі” пры пошуку працы і многае іншае;
Што такое бізнес-сняданкі ад «Invent Yourself»? Гэта дзелавыя гутаркі з экспертамі ў сферы бізнесу і вобласці HR, а таксама адмысловымі гасцямі праекта, якія падзеляцца сваім вопытам і парадамі ў пытаннях працаўладкавання або адкрыцця ўласнага бізнэсу за кубачкам кавы ці гарбаты. Тут можна не толькі даведацца шмат карыснай інфармацыі, але і асабіста пагутарыць са адмысловымі гасцямі праекта “Invent Yourself”. Праект прызначаны для моладзі не старэйшай за 26 гадоў.
Удзельнікі праекту змогуць атрымаць спектр навыкаў як у індывідуальнай, так і каманднай працы, а таксама атрымаць каштоўныя веды ў галіне прадпрымальніцтва, фінансаў, стратэгічнага планавання і менеджменту, маркетынгу, аспектаў правы для адкрыцця сваёй справы, а таксама актуальныя і апошнія навіны аб рынку працы ў самых розных сферах дзейнасці. Акрамя таго, важным складнікам ўдзелу ў праекце з’яўляецца арыентацыя на практыку.
Удзел у бізнес-сняданку абсалютна бясплатны, аднак патрабуе папярэдняй рэгістрацыі. Удзельнікі будуць адабраны па заяўках. Зарэгістравацца можна да 10 чэрвеня, уключна, запоўніўшы кароткую форму. Колькасць месцаў строга абмежавана (30!).
