Бліскавіцы: анталогія жаночай паэзіі
Пачатак: 09.03 (18:00)Літаратурным музеі Максіма Багдановіча
Запрашаем 9 сакавіка а 18.00 у Літаратурны Музей Максіма Багдановіча (Мінск, вул. М. Багдановіча, д. 7а) на прэзентацыю анталогіі “Бліскавіцы”!
Анталогія беларускай жаночай паэзіі міжваеннага перыяду “Бліскавіцы” – унікальнае выданне. Упершыню пад адной вокладкай змешчаны творы 61 беларускай паэткі, напісаныя ў “міжваенны” перыяд – з 1918 па 1941 г., што стварае панараму літаратурнага жыцця эпохі. У кнігу ўвайшлі творы і хрэстаматыйныя, і малавядомыя, і нават ніколі не публікаваныя раней.
Укладальнікі – Аксана Данільчык, Віктар Жыбуль.
У прэзентацыі бяруць удзел:
Аксана Данільчык
Віктар Жыбуль
Ганна Запартыка
Барыс Пятровіч
Ганна Янкута
Юлія Цімафеева
Міхал Бараноўскі
“…Вершы з анталогіі мы можам чытаць не толькі так, як звычайна чытаюць паэзію. У іх мы знойдзем сведчанні пра істотныя зрухі ў сацыяльным жыцці 20-30-х гадоў, што тычыліся лёсу жанчын. Менавіта ў гэты час многія з іх змаглі атрымаць доступ да адукацыі. Паэзія ў дадзеным выпадку — гэта не толькі мастацтва, але і адзін з першых спосабаў асэнсаваць сябе і расказаць пра сябе, сцвердзіць сваю прысутнасць у свеце, які зрабіўся даступным для жанчын. Мы не можам прачытаць раман ці даследаванне, якое ў першай палове ХХ ст. напісала б пра сваю штодзённасць беларуская жанчына, але мы можам прачытаць гэтыя вершы — высокамастацкія і “масавыя”, — і гэта дасць нам уяўленне пра тое, чым у той час жылі жанчыны і што адбывалася з іх розумам і пачуццямі”.
(Ганна Янкута. “Жанчыны вяртаюцца з нябыту”)
Прэс-служба ГА “Саюз беларускіх пісьменнікаў”
