Дзень радыё з “Крама”, Neuro Dubel, :B:N: і Pomidor/OFF
Пачатак: 06.05 (18:00)клуб Re:Public
Адсвяткуем Дзень радыё разам! 6 траўня на вялікім канцэрце ў мінскім клубе Re:Publiс (вул. Прытыцкага, 62) зайграюць “Крама”, Neuro Dubel, :B:N: і Pomidor/OFF. Яшчэ адзін удзельнік фэсту будзе вызначаны шляхам галасавання на сайце euroradio.fm.
“Крама” і Neuro Dubel не штурмавалі “вялікіх” сцэнаў ужо некалькі гадоў. Гурт Ігара Варашкевіча знаходзіўся ў вымушаным творчым адпачынку. А гурт Аляксандра Кулінковіча актыўна выпускаў альбомы, але выступаў хіба што ў сутарэннях клуба “Гудвін”. Нарэшце “генералы айчыннага року” сустрэнуцца з сапраўдным танцполам!
:B:N: і Pomidor/OFF з’яўляюцца на публіцы нашмат часцей. Бярозаўскі гурт стаўся сапраўдным адкрыццём мінулага года і выйшаў у лідары па запампоўках з сайта Еўрарадыё. А Pomidor/OFF атрымалі апошнія на гэты час “Рок-кароны” — за песню года (“Дым”) і ў якасці гурта года.
Пачатак канцэрта ў 18:00.
Квіткі на фэст “Дзень радыё” ужо ў продажы. Для першых 100 чалавек яны каштуюць 90 тысяч рублёў. Іх пакупнікі атрымаюць у падарунак дыск з беларускай музыкай. Астатнія квіткі каштуюць 110 тысяч. У дзень канцэрта — 130 тысяч, за столікам — 150 тысяч.
Квіткі прадаюцца ў клубе Re:Public, ГЦ “Купалаўскі” (19-ы павільён), а таксама ў распаўсюджвальнікаў ды на сайтах ticketpro.by і kvitki.by
