Незвычайны дзiцычы майстар-класс па архитэктуры. Пабудуем дом разам
19 красавіка а 13 гадзiне запрашаем у Галерэю сучаснага мастацтва “Ў” (Незалежнасці 37А) на новы занятак з дзiцячага курсу “Баўхаус”.
Вальтэр Гропіус і Міс ван дэр Рое былі вялікімі рацыяналізатарамі і прыдумалі шмат правілаў, а вось Хундэртвассер наадварот любіў пахуліганіць ад душы. А ў якім доме нам самім хацелася б жыць?
Абмяркуем гэта ў нядзелю, 19 красавіка. А потым створым дом мары з кардона!
Вядучая – Сафія Садоўская
19 красавіка, 13.00 – 15.00. Увага! Занятак будзе крыху даўжэй, чым звычайна.
Узрост: 7-12 год
Кошт занятка – 100 000 б.р.
Запіс +375 (33) 3035960
Галерэя сучаснага мастацтва “Ў”
Пра курс «Баўхаўс»:
З 15 сакавіка ў Галерэі сучаснага мастацтва “Ў” у рамках Дзіцячых Творчых Майстэрняў (https://www.facebook.com/Majsterni) пачалася другая частка аўтарскага курсу Сафіі Садоўскай «Баўхаус», якi заснаваны на адукацыйных элементах знакамітай школы дызайну Баўхаўс. Заняткі праводзяцца для дзяцей ад 7 да 12 гадоў па нядзелях з 13.00 да 14.30 непасрэдна ў галерэйнай прасторы.
Аўтар і вядучая курса – мастацтвазнаўца Садоўская Сафія. Скончыўшы Маскоўскі Дзяржаўны Універсітэт, Сафія праходзіла практыку ў Музеі выяўленчых мастацтваў імя Пушкіна, працавала ў Нацыянальным Мастацкім Музеі Рэсублікі Беларусь, там жа з’яўлялася вядучай дзіцячых экскурсій ў межах выставы Zabor. Непасрэдны суарганізатар і куратар Дзіцячых Творца Майстэрняў, Сафія прайшла анлайн-курс па інтэрактыўным выкладанні мастацтва для дзяцей і дарослых (музей “MOMA”, Нью-Ёрк, ЗША).
Ад аўтара курса: “Гэта сапраўднае свята мастацтва! Гэтай вясной мы працягнем заняткі, заснаваныя на матэрыялах ўступнага курса школы ” Баўхаус”. Што такое рытм у мастацтве? Як адлюстраваць рух? Пра гэта мы будзем гаварыць і вядома правяраць алоўкі і пэндзлі на трываласць, а фантазію – на бязмежнасць. Лініі будуць скакаць, святло будзе пралівацца і пакідаць то тут, то там маляўнічыя лужыны розных
колераў”.
Праграма ДТМ сакавік-май 2015
15.03 – Лінія, рытм
22.03 – Рух
29.04 – Сілуэт
05.04 – Кантраст
12.04 – Святло, ззянне, мігаценне і інш.
19.04 – Партрэт. Партрэт Фаюмскага, сучасны партрэт. Хто я?
26.04 – Перспектыва. Архітэктура ў скрынцы
03.05 – Партрэт. Хто ты?
10.05 – Сіметрыя, раўнавага
17.05 – Калажы. Летні дзённік
24.05 – Як захаваць успаміны? Тое, што не хочацца забываць
Падпісвайцеся на старонку Дзіцячых Творчых Майстэрняў Галерэі “Ў”,
каб заўсёды атрымліваць свежую інфармацыю пра майстар-класы, дзіцячыя
святы і не толькі: https://www.facebook.com/Majsterni
