Прабег, на якім чакаецца каля 500 раварыстаў, пройдзе ў Гродне 20 верасня.
Традыцыйна ўдзельнікі стартуюць з Савецкай плошчы. Удзельнікі збяруцца на месцы старту ў 11.30-12.00, каб пачаць рух па маршруце: пл. Савецкая, – вул. Маркса – пр-т Касманаўтаў – Румлёўскі мост – пр-т Купалы – вул. Сав.пагранічнікаў – вул. Паповіча – вул. Вясенняя – БЛК – вул. Горкага – пл. Савецкая.
Арганізатары велапрабегу нагадваюць важныя правілы руху ў групе веласіпедыстаў:
1. Захоўвай дыстанцыю! Асабліва да раварыста, які едзе перад табой. Заўсёды сачы за становішчам наперадзе сябе.
2. Рухайся прамалінейна! Не віляў у бакі і не перамяшчайся ўнутры калоны. Калі хочаш ехаць побач з кімсьці (сяброўкай, мамай і г.д.) станавіся побач з гэтым чалавекам яшчэ на старце.
3. Рухайся там, дзе ўсё! Калі акцыя праходзіць па праезнай частцы – не выскоквай на тратуар, калі калона рухаецца па тратуары – табе няма чаго рабіць на праезнай частцы.
4. Не размаўляй па тэлефоне! Гэта адцягвае тваю ўвагу, а рэзкае тармажэнне адной рукой прыводзіць да падзення.
5. Не куры! Хапае і без цябе выхлапаў.
6. Уключы святло! Пры руху ў цёмны час сутак веласіпедыст павінен быць пазначаны белым ліхтаром спераду і чырвоным ззаду.
7. Тармазі і паварочвай плаўна, папярэджваючы астатніх адмысловымі жэстамі:
– Для ўказання павароту завядзі руку, адпаведную кірунку павароту, гарызантальна ў бок; – Перад тым як знізіць хуткасць, падымі руку вертыкальна ўверх;
– Калі бачыш перад сабой на дарозе перашкоду (адкрыты люк, выбоіна), аб’язджаючы, абавязкова пакажы на яе рукой;
– Жэсты можна дубляваць голасам, гучна прамаўляючы “Стоп!”, “Увага!”, “Асцярожна!” і г.д .;
– Заўсёды сачы за жэстамі астатніх, асабліва тых, хто рухаецца наперадзе.
8. Панты пакінь дома! Скачкі, язда на заднім коле, дрыфт і іншыя выкрутасы тут не дарэчныя і небяспечныя для людзей вакол цябе.
9. Ніякага алкаголю! Да і падчас акцый не варта ужываць алкаголь. Пасля – гэта ўжо асабістая справа кожнага.
Парушаючы гэтыя правілы, раварыст ставіць пад пагрозу сваю бяспеку і бяспеку людзей побач.
Фота Вольгі Корсун
Твой стыль
