Калі: 23.11.2019 з 10.00 да 23.00
Дзе: Lo-Fi Social Club / (Кастрычніцкая, 16/3)
Ініцыятарамі Кангрэса-перформанс работнікаў і работніц культуры з’яўляюцца ўдзельнікі і ўдзельніцы праекта “СТАТУС: Роля мастачак і мастакоў у трансфармацыі грамадства” з Беларусі і Швецыі.
У межах аднадзённага Кангрэса-перформансу пройдуць дыскусіі і размовы, варкшопы і перформансы, а таксама прэзентацыі мастацкіх прац, звязаныя з пытаннямі ўмоваў працы і прававога статусу мастакоў у Беларусі і Швецыі, абароны іх правоў, роўнасці, гендару і ўзросту. Кангрэс запрашае да ўдзелу спецыялістаў з галіны культуры і мастацтва (мастакоў і мастачак, куратараў і куратарак, даследчыкаў і даследчыц, менеджараў і менеджарак, музейных работнікаў і работніц і іншых), а таксама ўсіх, хто цікавіцца заяўленымі тэмамі.
Праграма мерапрыемства тут.
Мэта Кангрэса — абмеркаваць і звярнуць увагу на прававы статус мастакоў і мастачак у беларускім і шведскім грамадствах для таго, каб скіраваць увагу дзяржаўных органаў на тыя юрыдычныя аспекты, якія патрабуюць змены ў кантэксце новых формаў мастацкай вытворчасці і прэкарнай працы.
Арганізатары праекта: Konstepidemin (Швецыя), галерэя КХ (Брэст, Беларусь).
Партнёры праекта: Шведскі інстытут, Шведскі саюз мастакоў.
Канцэпцыя і рэалізацыя: Аляксей Барысёнак, Таня Арцімовіч, Інга Ліндарэнка, Аліна Дзеравянка
Арт-ворк для постара: Маша Святагор, дызайн постара: Марыя Кірыльчік
Мастацкая інтэрвенцыя ў прастору: Сяргей Шабохін
Удзельнічаюць: Альміра Усманава, Ёнатан Хабіб Энквіст, Аляксей Барысёнак, Мона Вальстром, Сафія дэ ля Фуэнтэ, Уладзімір Грамовіч, Таня Арцімовіч, Аляксей Талстоў, Лінда Тэдсдотэр, Алена Агарэлышава, Лізавета Міхальчук, Антаніна Слабодчыкава, Міхаіл Гулін, Вольга Маслоўская, Дар'я Амяльковіч, Аксана Гайко, Павал Касцюкевіч, Ірына Лукашэнка, Аліна Дзеравянка.
