Літаратурна-музычная вечарына “Вобраз мілы, поўны чараў…”
Пачатак: 02.03 (18:00)Дзяржаўны літаратурна-мемарыяльны музей Якуба Коласа
2 сакавіка а 18-й гадзіне Дзяржаўны літаратурна-мемарыяльны музей Якуба Коласа запрашае напярэдадні Міжнароднага жаночага дня на літаратурна-музычную вечарыну “Вобраз мілы, поўны чараў…”.
Якуб Колас сябраваў з многімі жанчынамі, перапісваўся, прысвячаў ім вершы, яшчэ Яўгенія Пфляўмбаум паспрабавала даць разгадку ўзаемных цёплых і шчырых адносін народнага паэта да жанчын. У 1955-м годзе ў адным з лістоў яна піша: “Наогул, я пераканалася, дарагі дзядзька Якуб, што многія жанчыны хінуцца да Вас душою. Гэта, відаць, таму, што Вы з асаблівай цеплынёю ставіцеся да іх, што Вы як паэт умееце бачыць у іх тое ўнутранае, часта прыхаванае, хараство, той “кристалл”, аб якім Горкі пісаў, што ён “кристаллизуется только на основе кристалла”.
Гэтым разам у дом знакамітага класіка завітаюць жанчыны – гераіні аўтарскай праграмы Валянціны Стэльмах “Галерэя” на Першым нацыянальным канале Беларускага радыё – мастачка, кандыдат біялагічных навук Святлана Мацвіенка, чэмпіёнка свету па вышэйшым пілатажы, адзіная жанчына ў свеце, якая тройчы пацвердзіла званне абсалютнай чэмпіёнкі на еўрапейскіх спаборніцтвах Валянціна Яікава, вучоны сакратар Цэнтральнага батанічнага сада НАН Беларусі, кандыдат біялагічных навук Людміла Ганчарова, мастацкі кіраўнік народнага ансамбля “Радзімічы” Франчэска Ліпская, экскурсавод Валянціна Кароткіна. Усе яны распавядуць пра найважнейшыя ў сваім жыцці справы, пра цяжкасці, якія давялося пераадольваць, пра тое галоўнае, што дапамагае жыць і перамагаць.
САРДЭЧНА ЗАПРАШАЕМ!
Адрас музея: г. Мінск, вул. Акадэмічная, 5
Тэл. для даведак: 284-15-84, 284-17-02
