Лекцыя Ганны Бутырчык пра пісьменніцу Эмі Тан
Пачатак: 12.06 (19:00)прастора Space
“Клуб радасці і ўдачы” Эмі Тан – гэта незвычайныя “дочкі-маці”, інтэлектуальнае падарожжа ў культуру ды звычаі Кітая. Свае кранальныя гісторыі радасці і смутку распавядаюць чатыры маці-кітаянкі, якія захоўваюць традыцыі бацькаўшчыны, і іх дочкі, якія выгадаваліся ў Амерыцы. Напісаны на аўтабіяграфічным матэрыяле, твор пра пошукі каранёў, пра рознасць пакаленняў і культураў. Распавядаючы пра мінулае і спадзевы на будучыню, жанчыны дасягаюць такога неабходнага ўсім паразумення.
У гэтых стасунках чытачу не заўжды проста разабрацца. Дапаможа разгадаць кнігу кандыдат філалагічных навук, дацэнт, загадчыца кафедры замежнай літаратуры БДУ Ганна Бутырчык.
Лекцыя адбудзецца 12 чэрвеня ў 19:00 у прасторы Space (вул. Кастрычніцкая, 16А).
Квіток каштуе 7 рублёў, набыць яго можна тут: https://bezkassira.by/lekcy_knzhnaga_saitu_booksterby-2482/
Пасля лекцыі запрашаем да абмеркавання.
Гэта апошняя з сямі лекцыяў, якія ладзіць кніжны сайт Bookster.by. Падрабязней аб праекце чытайце ў суполцы https://www.facebook.com/booksterby/
Інфо па тэлефоне +375291060454
