“Музейны дэтэктыў” – 21 мая
Пачатак: 21.05 (16:00)Літаратурным музеі Максіма Багдановіча
Дзейнасць музейшчыка падобная на працу следчага, які мусіць з абрыўкаў звестак, сведчанняў сучаснікаў і захаваных дакументаў намаляваць праўдзівую гісторыю жыцця чалавека. Часам сведкі блытаюцца ў сваіх “паказаннях”, а “дэтэктывы” прымаюць жаданае за праўду… Адсюль шматлікія тэорыі, версіі, якія могуць перакуліцца з ног на галаву і прывесці да новых нечаканых адкрыццяў.
Літаратурны музей Максіма Багдановіча прапануе вам адчуць сябе сапраўднымі майстрамі вышуку і паглыбіцца ў свет неразгаданых таямніц і прыгодаў. У вас будзе магчымасць расчытаць знакаміты “Інтымны дзённік” паэта, правесці фотаэкспертызу, паўдзельнічаць у квестах ад кампаніі Qwestoria. Пад час мерапрыемства абудзецца прэзентацыя “Нататак пра Шэрлака Холмса” А. К. Дойла і іншых перакладных выданняў часопіса “ПрайдзіСвет”. Патрапіць у крымінальнальную атмасферу пачатку ХХ стагоддзя дапаможа тэатр узаемадзеяння “Мусташ”, інтэрактыў “Шарм міжваеннага Менску”, музычная праграма “Зброя. Золата. Кабеты” ад Піта Паўлава і музычны сэт ад шансанье Георгія Дабро.
Прыходзьце і прыводзьце сяброў, каб у вас на ўсялякі выпадак было алібі, а то ці мала што…
ПРАГРАМА МЕРАПРЫЕМСТВА:
16.00 – 16.20 Прэзентацыя выстаўкі “Слова… Рэч…Таямніца…”
16.20 – 17.00 Інтэрактыўная праграма “Шарм міжваеннага Менску”
17.00 – 18.00 Прэзентацыя “Нататак пра Шэрлака Холмса” А. К. Дойла і іншых перакладных выданняў часопіса “ПрайдзіСвет”
18.00 – 21.00 Інтэрактыўная праграма ад тэатра ўзаемадзеяння “Мусташ”
17.00 –21.00 Літаратурныя квэсты ад кампаніі Qwestoria
21.00 – 23.00 Выступ музыкаў: Піта Паўлава з праектам “Зброя. Золата. Кабеты”, Георгія Дабро
