(Не) страшныя казкі Уладзіміра Караткевіча
Пачатак: 29.11 (19:00)Літаратурны музей Максіма Багдановіча
Скарбніца фондаў Літаратурнага музея Максіма Багдановіча поўная нечаканых прадметаў. Не ўсе яны маюць дачыненне да самога Максіма, але ад гэтага не робяцца менш цікавымі. Пра адзін з іх якраз і пойдзе гаворка на чарговай імпрэзе серыі "Рэлікт", на якой мы знаёмім наведвальнікаў з нашымі фондамі.
Музей прадставіць вашай увазе аўтограф Уладзіміра Сямёнавіча Караткевіча, адрасаваны пісьменніку Адаму Глобусу, які дапаможа нам даведацца пра гісторыю стварэння "Страшнай казкі", а таксама распавядзе пра свайго знакамітага суседа па лесвічнай пляцоўцы ў доме на вуліцы Карла Маркса.
Удзельнікі імпрэзы паразважаюць пра казачны фармат, пачуццё гумару, узаемасувязі і ўзаемаўплывы ў творчасці, а лірычным складнікам будуць песні Рамана Яраша на словы Уладзіміра Караткевіча.
Чакаем вас 29 лістапада ў 19:00.
Уваходны вольны.
Адрас: г.Мінск, вул. М. Багдановіча, 7а (Траецкае прадмесце).
Тэлефон для сувязі: (8 017) 334-42-69.
