Прэзэнтацыя манаграфіі Віктара Цемушава «На ўсходняй мяжы Вялікага Княства Літоўскага» ў Гомелі
Пачатак: 06.02 (16:00)канферэнц-зала гатэля "Амакс"
6 лютага, у Гомелі адбудзецца першая рэгіянальная прэзентацыя манаграфіі Віктара Цемушава «На ўсходняй мяжы Вялікага Княства Літоўскага» (сярэдзіна XIV — першая палова XVI ст.)».
У вечарыне возьмуць удзел картограф, кандыдат гістарычных навук Дзмітрый Віцько і выдавец, кандыдат філасофскіх навук, Валер Булгакаў.
Больш інфармацыі пра кнігу Віктара Цемушава «На ўсходняй мяжы Вялікага Княства Літоўскага» можна атрымаць тут. Гэта выданне на 500 старонак у цвёрдай вокладцы, у якой увайшло больш за 30 каляровых ілюстрацый на крэйдаванай паперы.
Гомель у якасці месца прэзентацыі кнігі выбраны не выпадкова. Вялікая частка даследавання прысвечана акурат Гомельскай зямлі ў XIV- XVIст. Пералічым толькі назвы яго раздзелаў «Гомейская зямля як рэгіён даследавання», «Гомейская воласць да канца XV ст.», «Гомейская воласць пад уладай Масквы і фарміраванне ўезду ў 1500—1535 гг.», «Гомейскі ўезд напярэдадні літоўска-маскоўскай вайны 1534—1537 гг.», «Праблема Гомея на літоўска-маскоўскіх перагаворах 1537 г.», «Гомейская зямля ў першыя гады пасля вызвалення (1535—1560 гг.)», «Змены ў складзе Гомейскай воласці пасля 1537 г.» і г.д.
Прэзентацыя пачнецца ў пятніцу а 16-й, у канферэнц-залі гатэля “Амакс” (вул. Кісялёва, 6, побач з чыгуначным вакзалам). Будуць паказаныя дзясяткі слайдаў з адлюстраваннем мяжы паміж Маскоўскай дзяржавай і ВКЛ.
Даведкі па тэл. (29)5507969 мтс.
