Літаратура Мінск

Прэзентацыя кнігі перакладаў Уладзіміра Маякоўскага

Пачатак: 05.04 (20:30)
Прастора ОК16

(Мінск, вул. Кастрычніцкая, 16)

Кошт: Уваход вольны

У межах фестывалю беларускай інтэлектуальнай кнігі “Прадмова” адбудзецца вечарына-прэзентацыя кнігі Уладзіміра Маякоўскага ў беларускіх перакладах (серыя “Паэты планеты”).

З удзелам паэтаў-перакладчыкаў Уладзя Лянкевіча Uladzimir Liankievič, Віталя Рыжкова, Андрэя Хадановіча Andrej Khadanovich, а таксама паэтаў Strotsev Dmitry, Tatiana Svetashova, Anton Solodovnikov і музыкаў Five – storey ensemble.

Уладзімір Маякоўскі (1893–1930) – выдатны рускі паэт і драматург, а таксама кінасцэнарыст, актор і мастак. Адзін з заснавальнікаў і лідараў рускага футурызму. Вынаходнік новай паэтычнай мовы, непераўзыдзены майстар наватвораў і нечаканых рыфмаў. Як мала хто, спалучаў у творчасці рэзкую правакатыўнасць і шчырую спавядальнасць. Папярэднік паэтычнага слэму, батлу і рэкламнага капірайтынгу.

У зборнік увайшлі як найлепшыя пераклады Маякоўскага савецкага часу, так і новыя прачытанні класіка сучаснымі беларускімі паэтамі.

А ВЫ МАГЛІ Б?

Я карту будня з маху змазаў,
адкрыўшы п’янай фарбы рану.
На дрогкай студзіне паказваў
касыя скулы акіяну.
Мне новых вуснаў кліч здалёку
гучаў луской бляшаных рыб.
А вы
на флейце вадасцёка
накцюрн
зайграць маглі б?

1913

Пераклаў з рускай Андрэй Хадановіч

Падзея ў Facebook.