Прэзентацыя зборка прозы “Наш дом” Маргарыты Латышкевіч
Пачатак: 23.01 (17:00)Цэнтральная бібліятэка імя Янкі Купалы
23 студзеня а 17-й гадзіне ўсіх чытачоў запрашае на сваю “амаль што днянараджэнскую” імпрэзу Маргарыта Латышкевіч. Апроч таго, прэзентавацца будзе і зборнік прозы (апавяданні+аповесці) “Наш дом”.
Пасядзець утульна і па-дамашняму можна будзе ў гасціннай Цэнтральнай бібліятэцы імя Янкі Купалы (вул.Веры Харужай, 16).
Паколькі дарыць падарункі куды весялей, чым атрымліваць, аўтар прапануе ўсім зацікаўленым паўдзельнічаць у святочнай акцыі. А менавіта: адказаць на пытанне – і атрымаць зборнік апавяданняў “Яблыкі” (узнагароджаны Нацыянальнай літаратурнай прэміяй). Вядома, з аўтографам. Можа, нават і з крываватым малюнкам.
Правілы акцыі простыя: першая пяцёрка чытачоў, якія правільна адкажуць на выбранае пытанне, зможа забраць падпісаны асобнік непасрэдна на імпрэзе 23 студзеня. Свой адказ просьба дасылаць на электронны адрас maladost@zviazda.by
А пытанне такое: каго частавала яблыкам галоўная гераіня аповесці “Над Вугерай – дождж”?
(маленькая падказка: аповесць друкавалася ў часопісе “Маладосць” і
прысутнічае таксама і ў кнізе “Наш дом”)
Яшчэ раз: 23.01, 17.00, Харужай, 16. Наш дом там, дзе сэрца.
