Літаратура Мінск

Прэзентацыя зборніка Яўгена Бясчаснага “Стой!”

Пачатак: 17.03 (17:30)
Літаратурны музей Максіма Багдановіча

(Мінск, вул. М.Багдановіча, 7а)

Кошт: Уваход вольны

Напярэдадні Сусветнага дня паэзіі, які адзначаецца ва ўсім свеце 21 сакавіка, Літаратурны музей Максіма Багдановіча запрашае ўсіх ахвотных на прэзентацыю дэбютнага паэтычнага зборніка Яўгена Бясчаснага “Стой!”, які выйшаў у лютым гэтага года ў серыі “Пункт адліку” выдавецтва “Кнігазбор”.

Нягледзячы на тое, што зборнік Яўгена Бясчаснага рускамоўны, паэзія ў ім народжана метафізічнымі імпульсамі менавіта гэтай краіны, Беларусі. Для вершаў маладога аўтара не характэрны моцны пафас, эпатаж, падкрэсленая гульня з формай альбо зместам. Традыцыйная паэтычная манера выглядае тут найбольш гарманічна і дазваляе перадаць усю паэтыку меланхоліі, амаль непазбежную для творчай асобы тут і цяпер.

У прэзентацыі будуць прымаць удзел наступныя беларускія паэты: Раман Абрамчук, Георгій Барташ, Уладзімір Глазаў, Алег Гаргун, Алесь Емельянаў-Шыловіч, Вольга Злотнікава, Ірына Карэніна, Наста Кудасава, Ігар Кулікоў, Уладзь Лянкевіч, Антон Рудак, Віталь Рыжкоў, Таня Светашова, Таня Скарынкіна, Андрэй Хадановіч.

Мерапрыемства адбудзецца 17 сакавіка 2017 г. а 17.30.

Месца правядзення: Літаратурны музей Максіма Багдановіча (г.Мінск, вул. М.Багдановіча, 7а. тэл. 334-42-69)

Уваход вольны!