Дарагія сябры!
Запрашаем у навуковае падарожжа “Шляхамі братоў Ордэна Святога Васіля Вялікага” разам з Сяргеем Харэўскім па былых базыліянскіх манастырах – Вольне, Сталавічах, Быцені, Жыровічах.
Мінск – Вольна – Сталавічы – Баранавічы – Быцень – Жыровічы – Слонім – Мінск
26 сакавіка 2017 года а 7:30 – выезд з Мінска.
Вяртаемся ў Мінск а 22-й гадзіне.
У дарозе мы адкажам на шэраг пытанняў, звязаных з гісторыяй уніятаў на Беларусі:
• Чаму яна узнікла Унія?
• Хто такія базыльяне?
• Якая яна, уніяцкая архітэктура?
• Як узнік манастыр у Жыровічах?
• Якое месца ў гісторыі нашае культуры займае ўніяцкая царква?
• Чаму скасавалі Унію на Беларусі?
• Як і хто зьнішчаў спадчыну ўніяцкае царквы?
Наш вядоўца:
Сяргей Харэўскі — мастак, мастацтвазнаўца, гісторык архітэктуры і беларускі літаратар.
Мы наведаем мясьціны, некалі выключна важныя для грэка-каталіцкае, уніяцкае, царквы ў Беларусі, Літве і Ўкраіне.
Гэта былыя базыльянскія манастыры Нараджэння Маці Божае ў Вольне, Быценскі і Жыро́віцкі Свята-Успенскія манастыры, а таксама былы ўніяцкі манастыр у Альбэрціне, што ў прадмесці Слоніма.
Па дарозе мы таксама пазнаёмімся з гістарычнай планіровачнай структурай беларускіх мястэчкаў і іх сучасным жыццём, традыцыйнай грамадзянскай і культавай архітэктурай.
Сярод іншага ўбачым адзіны ва Усходняй Еўропе касцёл Мальтыйскага ордэну ў Сталовічах, што стаў пазьней галоўным храмам спачатку ўніяцкага,а затым праваслаўнага манастыроў, месца Сталовіцкай бітвы 1771 г. і касцёл пач. ХХ ст., унікальныя старасвецкія касцёлы і кляштары Слоніма, цэрквы, сінагогу і шмат што яшчэ.
Кошт – 42 BYN
Калi вы ўжо вызначылiся адносна свайго ўдзелу ў падарожжы, то паведамце аб гэтым, патэлефанаваўшы па нумары: +375 (29) 180-28-38 Святлане
