Сустрэча з Уладзімірам Арловым у Гомелі
Пачатак: 27.05 (18:00)Грамадскі цэнтр
У сераду, 27-га траўня, у грамадскім цэнтры (вул. Палеская, 52) адбудзецца сустрэча з гісторыкам, пісьменнікам Уладзімірам Арловым з прэзентацыяй трэцяга выдання ягонай кнігі “Імёны Свабоды”.
Пачатак а 18-ай гадзіне. Уваход вольны.
Кніга змясціла 300 імён людзей, якіх пісьменнік называе героямі беларускай свабоды XVIII – XXI стагоддзяў.
«Кніга вельмі важная і дарагая для мяне. Яна вышла ўжо трэццім выданнем і з кожным разам робіцца ўсё цяжэй. У гэтай кнізе 300 кароткіх аповедаў у форме эсэ, напісаных пра тых людзей, якія з часоў Касцюшкі, з канца XVIII стагоддзя, калі нашыя землі страцілі незалежнасць, змагаліся за свабоду. За свабоду ў самых розных яе ўвасабленнях: свабоду слова, свабоду сумлення, свабоду веры, у рэшце рэшт свабоду і незалежнасць гэтай зямлі».
Са старонак кнігі Уладзімір Арлоў распавядае пра палітыкаў, святароў, музыкаў, літаратараў і іншых адметных асоб.
