21-га лютага ў свеце адзначаецца Міжнародны дзень роднай мовы. Ён быў абвешчаны UNESCO у 2000 годзе.
У гэты дзень ва ўніверсітэтах і клубах праходзяць адмысловыя мерапрыемствы і акцыі, у сацыяльных сетках і СМІ з’яўляюцца шматлікія конкурсы і публікацыі, і ўсё прысвечана беларускай мове.
Мы хочам паказаць, што беларуская мова не толькі жыве і развіваецца, але і натхняе вялікую колькасць людзей на цікавыя ды яскравыя праекты.
«Свята роднай мовы» адбудзецца 21-га лютага ў клубе «Грай» (вул. Інтэрнацыянальная, 33). З 18.00 да 22.00 для вас будзе прыгатавана шмат цікавостак і сюрпрызаў: паб-квіз, гульнятэка, конкурсы і, канешне, беларуская музыка.
Праграма:
18:00-20:00 — у галоўнай залі пройдзе клубная інтэлектуальная гульня «Грай-квіз».
Што такое «Грай-квіз»? У гульні сем тураў рознага кшталту. Якія менавіта — паглядзіце, калі прыйдзеце! Колькасць пытанняў у турах ад дзевяці да трох. Першы тур — самы доўгі, апошні — самы кароткі.
Мы ладзім гэтую гульню таму, што хочам, каб людзі ў Беларусі больш размаўлялі па- беларуску. Калі вы будзеце абмяркоўваць пытанні па-беларуску — наша мова будзе жыць!
Рэгістрацыя тут: https://goo.gl/VpmZqF
18.00-20.00 — у другой залі будзе праходзіць «Гульнятэка». Кожны жадаючы зможа згуляць у беларускамоўныя настолкі: «Багач», «Казачнік», «Прастол ВКЛ».
Запіс тут: https://goo.gl/QEV4F4
20:00-20:15 — прэзентацыя другой часткі кнігі Глеба Лабадзенка і Алесі Літвіноўскай «МОВА НАНОВА: 20 КРОКАЎ ДА БЕЛАРУСКАЙ МОВЫ».
Гэта новыя 20 крокаў (урокаў), якія ўвабралі ў сябе 17 лексічных і граматычных тэм + 3 крокі, прысвечаныя нашым выбітным суайчыннікам: Якубу Коласу, Васілю Быкаву і Рыгору Барадуліну. Прычым, частку пра Коласа пісалі ягоныя ўнучка і праўнучка — Марыя і Васіліна Міцкевіч! А частку пра Быкава — найлепшы біёграф Быкава Сяргей Шапран!
20:15-22:00 — выступ музычных гуртоў:
— гурт Zanzibar;
— гурт Recha ;
— гурт Znarock.
Пачатак імпрэзы а 18-й.
Уваход — 5 рублёў.
Сачыць за навінамі падзеі можна праз суполку «Укантакце».
