Творчая сустрэча з пісьменніцай Людмілай Рублеўскай
Пачатак: 26.02 (19:00)Зялёнаборскі дом культуры
26 лютага у Доме культуры п.Зялёны Бор Смалявіцкага раёну ў рамках літаратурна-музычнай гасцёўні “19-га ў 19” адбудзецца творчая сустрэча з вядомай беларускай пісьменніцай Людмілай Рублеўскай. Удзельнікі імпрэзы апынуцца ў чароўным свеце мінулых стагоддзяў і пазнаёмяцца з персанажамі гісторыка-прыгодніцкага бэстсэлера “Аванцюры Пранціша Вырвіча” , дзе апісваюцца неверагодныя падзеі, галоўнымі героямі якіх сталі беглы студыёзус Менскага езуіцкага калегіума Пранціш Вырвіч і доктар Балтрамей Лёднік з Полацку.
Музычную частку вечара прадставяць салістка фальклорнага гурта “Мярэжа” Святлана Чакушка з беларускімі народнымі песнямі і Валер Гусеў з песнямі на вершы Людмілы Рублеўскай.
Сустрэча адбудзецца ў межах грамадскай культурніцкай кампаніі “Будзьма беларусамі!”
Пачатак у 19.00 Уваход вольны!
