Творчая сустрэча з Васілём Дранько-Майсюком і Аксанай Аракчэевай
Пачатак: 23.02 (16:00)Дзяржаўны музей гісторыі беларускай літаратуры
23 лютага 2019 г. а 16-й гадзіне Дзяржаўны музей гісторыі беларускай літаратуры запрашае на творчую сустрэчу з аўтарам кнігі “Таямніцы нашага садка” Васілём Дранько-Майсюком і ілюстратарам Аксанай Аракчэевай.
Інтэрактыўная тэатралізаваная хорар-імпрэза – так Васіль Дранько-Майсюк вызначыў фармат сустрэчы. Калі вы любіце таемныя, вясёлыя, вострасюжэтныя, праўдзіва-фантастычныя гісторыі, падчас мерапрыемства ў вас з’явіцца магчымасць стаць героямі адной з дзевяці фантастычных, таямнічых, але разам з тым вельмі праўдзівых гісторый.
Па словах аўтара, кніга разлічана на дзяцей ад пяці да ста пяці гадоў. Гэтае выданне ў аднолькавай ступені будзе цікавым як дзетсадаўцам, так і малодшым школьнікам. А таксама іх мамам, татам, дзядулям, бабулям, выхавацелям і настаўнікам.
Удзельнікі мерапрыемства змогуць набыць кнігу “Таямніцы нашага садка”, а таксама атрымаць аўтографы аўтара Васіля Дранько-Майсюка і мастака Аксаны Аракчэевай.
Кошт:
Дарослыя – 3,00 руб.
Школьнікі, навучэнцы, студэнты – 1,50 руб.
Дзеці да 7 гадоў – бясплатна.
