З 4 кастрычніка Дзіцячыя Творчыя Майстэрні Галерэі сучаснага мастацва «Ў» пачынаюць свой восеньскі курс «У сярэдзіне карціны» пад кіраўніцтвам мастацтвазнаўцы Сафіі Садоўскай, дзе дзетак будзе чакаць пагружэнне ў свет слынных палотнаў.
Што адбываецца там, у сярэдзіне вядомых карцін? Адкуль узяў і куды аставіў Эндзі Ўорхал трыццаць дзве бляшанкі супа «Кэмпбэл»? Аб чым гаманяць папугай і русалка на працы Маціса? Якую музыку граюць музыкі на карціне Пікаса? Мы зробім праходку па таямнічай вуліцы дэ Кірыко і паспрабуем даслаць адтуль паштоўку ў наш свет. А потым патаньчым разам з чалавечкамі Кіта Гарынга. Кожны занятак мы абіраем адну вядомую карціну і разглядаем яе звонку і з сярэдзіны. А потым, як і заўжды, самі стварым свае маленькія (або вялікія) шэдэўры.
Заняткі курсу вядзе мастацтвазнаўца Сафія Садоўская. Яна скончыла Маскоўскі дзяржаўны ўніверсітэт (Расія), прайшла практыку ў Музею выяўленчых мастацтвах імя Пушкіна (Масква, Расія), працавала ў Нацыяльных Мастацкім Музеі Рэспублікі Беларусь, тамсама была вядучай дзіцячых экскурскій у межах вылікага выставачнага пректа Zabor. Суарганізартарка і куратарка «Дзіцячых творчых майстэрняў», прайшла анлайн-курс па інтэрактыўным навучанні мастацтву дзетак і дарослых (музей «МОМА», Нью-Ёрк, ЗША).
«Дзіцячыя творчыя майстэрні» – праект Галерэі «Ў», створаны для дзетак ад 7 да 12 гадоў, асноўная задача якога – раскрыццё творчага патэнцыялу і развіццё вобразнага мыслення маленькага чалавека (7-12 гадоў) праз навучанне розным мастацкім тэхнікам, знаёмства з гісторыяй мастацтваў, а таксама з сапраўднымі мастакамі, куратарамі, мастацтвазнаўцамі, дызайнерамі, пісьменнікамі, паэтамі і музыкамі. «Дзіцячыя творчыя майстэрні» існуюць 4 гады. За гэты час было створана пяць паўнавартасных курсаў для дзетак і восем тэматычных фестываляў.
Пачатак заняткаў 4 кастрычніка
Кожную нядзелю 14.00 – 15.30
Заняткі платныя
Даведкі і запіс па тэлефоне +375 (33) 3035960
Запісацца таксама можна тут:
https://www.facebook.com/Majsterni
dtm@ygallery.by
Галерэя сучаснага мастацтва Ў
Мінск, пр-т Незалежнасці, 37 а
