Урачыстая цырымонія падвядзення вынікаў конкурсу навагодніх пасланняў школьнікаў Беларусі да Якуба Коласа “Гуляй, зіма, твая часіна!..”
Пачатак: 18.01 (15:00)Дзяржаўны літаратурна-мемарыяльны музей Якуба Коласа
18 студзеня а 15гадзіне ў Дзяржаўным літаратурна-мемарыяльным музеі Якуба Коласа адбудзецца ўрачыстая цырымонія падвядзення вынікаў конкурсу навагодніх пасланняў школьнікаў Беларусі да Якуба Коласа “Гуляй, зіма, твая часіна!..”
Напрыканцы юбілейнага года 130-годдзя з дня нараджэння народнага паэта Беларусі Якуба Коласа музей паэта абвясціў літаратурны конкурс творчых работ для вучняў сярэдніх школ Беларусі. Мэтай конкурсу стала выхаванне любові і цікавасці дзяцей да беларускай літаратуры і культуры, папулярызацыя творчасці Якуба Коласа, выяўленне, падтрымка і заахвочванне таленавітых школьнікаў. Па ўмовах конкурсу лаўрэаты атрымаюць дыпломы, грашовыя прэміі і каштоўныя падарункі.
Конкурс праходзіў з 7 снежня 2012 года па 10 студзеня 2013 года. На адрас журы прыйшлі дзесяткі работ з розных рэгіёнаў Беларусі, асноўная іх тэматыка – уражанні ад зімовых канікулаў, кранальныя дзіцячыя мары пра свае планы на будучае жыццё, самыя сарэдэчныя і шчырыя просьбы да дзядулі Якуба. Творы дзяцей ацэньваліся па двух асноўных узроставых катэгорыях: “Творчыя работы малодшых школьнікаў 1-3 кл.” і “Творчыя работы школьнікаў 4-5 кл.”.
У журы былі запрошаны вядомыя беларускія паэты і дзеячы культуры — Уладзімір Ліпскі – старшыня журы, галоўны рэдактар часопіса “Вясёлка”, Зінаіда Камароўская – дырэктар Дзяржаўнага літаратурна-мемарыяльнага музея Якуба Коласа, Анатоль Бутэвіч – намеснік Старшыні рэспубліканскага савета па справах культуры і мастацтва пры Савеце Міністраў Рэспублікі Беларусь, Міхась Пазнякоў – старшыня Мінскага гарадскога аб’яднання ГА “Саюз пісьменнікаў Беларусі”, Алена Масла – галоўны рэдактар часопіса “Бярозка”.
Па рашэнні журы лаўрэатамі конкурсу “Гуляй, зіма, твая часіна!..” сталі:
– у катэгорыі “Творчыя работы малодшых школьнікаў 1-3 кл.”
1 месца – Лукашэнка Дар’я (2А), гімназія №16 г.Мінска
Лукашэнка Настасся (3В), гімназія №16 г.Мінска
2 месца – Клікуноў Алесь (2Б), гімназія №2 г.Мінска
3 месца – Мядзведзеў Ярамір (2А), гімназія №16 г.Мінска
у катэгорыі “Творчыя работы школьнікаў 4-5 кл.”:
1 месца – Краўчанка Максім (5А), гімназія №30 г.Мінска
2 месца – Кошкін Уладзімір (5Б), гімназія №2 г.Мінска
3 месца – Казак Юлія (4Б), СШ №34 г.Мінск
Анікевіч Уладзіслаў (5А), СШ №34 г.Мінска
Акрамя таго, у кожнай з катэгорый былі вызначаны заахвочвальныя намінацыі, пераможцы якіх будуць агучаны падчас урачыстай цырымоніі падвядзення вынікаў.
Для ўдзельнікаў і пераможцаў конкурса музей падрыхтаваў святочны канцэрт з удзелам Музейнага дзеда Мароза і Снягурачкі, дзіцячых мастацкіх калектываў, з пажаданнямі да Новага года ад сям’і і нашчадкаў Якуба Коласа выступіць малодшы сын паэта Міхась Міцкевіч. Маленькіх наведвальнікаў чакаюць цікавыя конкурсы і гульні, цікавае падарожжа па музейнай экспазіцыі.
Напрыканцы мерапрыемства ўсе ўдзельнікі пакінуць пажаданні музею і ва ўрачыстай убстаноўцы створаць памятную сімвалічную кнігу са сваімі творчымі работамі для перадачы ў фонды музея Якуба Коласа.
Час правядзення: 18 студзеня (пятніца), 1500.
Месца правядзення: Дзяржаўны літаратурна-мемарыяльны музей Якуба Коласа (г. Мінск, вул Акадэмічная, 5).
Тэлефон для даведак: 284-05-55, 284-17-02
