Вечарына і фотавыстава да 30-ці годдзя “Талакі”
Пачатак: 22.12 (18:00)Кнігарня “Галіяфы”
100 фотаздымкаў Уладзіміра Сапагова з Найноўноўшай гісторыі Беларусі.
Вядзе вечарыну паэт Міхась Скобла, паэт, даследчык, у 80-ыя гады актыўны ўдзельнік Таварыства маладых літаратараў “Тутэйшыя”.
Спявае Кася Камоцкая.
Выступаюць удзельнікі гістарычных падзеяў і сябры фатографа.
22 снежня,18.00, кнігарня “Галіяфы” Траецкае прадмесце, Старавіленская, 6.
Уладзімір Сапагоў (04.07.1952-11.10.2012) – фатограф, нарадзіўся ў Брэсцкай вобласці, выхоўваўся ў дзіцячым доме, вучыўся ў Маскве. Працаваў: на БАМе, на кінастудыі “Беларусьфільм”, на Трактарным заводзе. У 80-ыя гады 20-га стагоддзя далучыўся да Адраджэнскага руху. У 1998-2000 супрацоўнічаў з праваабарончым выданнем “Права на Волю”.
Уладзімір Сапагоў ніколі не з фотаапаратам. Фатограф жыў у інтэрнаце Трактарнага заводу, быў самотным чалавекам. У апошія дні жыцця фатографа ў інтэрнаце рабілі рамонт, і адразу пасля смерці Уладзіміра Сапагова арыгіналы фотаздымкаў выкінулі на сметнік. Але яго сябар Міхаіл Мякіш здолеў уратаваць негатывы і пазітывы, якія аддала камэндантка інтэрнату.
