Юбілейная лекцыя гісторыка Алеся Краўцэвіча
Пачатак: 14.09 (19:00)Цэнтр гарадскога жыцця
14 верасня Цэнтр гарадскога жыцця Гродна запрашае на Юбілейную лекцыю выдатнага гарадзенскага гісторыка Алеся Краўцэвіча, які святкуе 60-годдзе.
Сустрэча з гісторыкам пачнецца а 19.00 у прасторы Цэнтра па адрасе: Кірава, 3
Алесь Краўцэвіч аўтар бестсэлераў па гісторыі ВКЛ, вядоўца шэрагу праграм на БЕЛСАТе, Радыё Рацыя, блога на Радыё Свабода. Нарадзіўся юбіляр 13 верасня 1958 году ў вёсцы Лупачы Мастоўскага раёна. Скончыў гістарычны факультэт Белдзяржуніверсітэта і аспірантуру Інстытута археалогіі АН СССР, вучыўся ў дактарантуры БДУ. Працаваў у інстытуце гісторыі Нацыянальнай Акадэміі Навук Беларусі, у Беларускім рэстаўрацыйна-праектным інстытуце, намеснікам старшыні Дзяржаўнай інспекцыі аховы гістарычна-культурнай спадчыны і першым прарэктарам Гарадзенскага ўніверсітэта… Тэмамі кандыдацкай і доктарскай дысертацый Алеся Краўцэвіча былі гарады і замкі беларускага Панямоння XIV–XVII стагоддзяў і Вялікае Княства Літоўскае ў другой палове XIII – пачатку XIV стагоддзяў: генезіс дзяржавы па пісьмовых і археалагічных крыніцах. Дзякуючы Алесю Краўцэвічу, беларусы сёння шмат новага даведаліся пра Міндоўга і Гедыміна, пра замкі Гедыміна і Тэўтонскі ордэн, пра рыцараў і дойлідаў Гародні, пра гістарычную Літву і этнагенез беларусаў, пра палітычную гісторыю ВКЛ і г.д.
