Навуковая канферэнцыя, на жаль, праводзіцца не на базе Гродзенскага дзяржаўнага ўніверсітэту, яе прытуліла зусім ненавуковая пляцоўка — памяшканне консульства ў Гродна, піша Белсат.
Удзельнікі канферэнцыі
Міжнародная навуковая канферэнцыя «Палякі ў Беларусі (з канца ХІХ да пачатку ХХ стагоддзя)» пачала працу ў Гродна. Генеральны консул Польшчы шкадуе, што яна пакуль мае праходзіць у межах консульства, а не ў дзяржаўным універсітэце.
Гэта ўжо другая падобная канферэнцыя, якая збірае гасцей з Беларусі і Польшчы. Сярод запрошаных — як вядомыя польскія даследчыкі, так і добра знаёмыя беларускаму грамадству гісторыкі: Алесь Смалянчук, Ігар Мельнікаў, Яўген Мірановіч ды іншыя. Тэмы дакладаў — ад дзейнасці Скірмунта і Вайніловіча да Арміі Краёвай ды гісторыі Каталіцкага Касцёла ў 1990–2000-я гады.
Тадэвуш Гавін, былы старшыня Саюзу Палякаў
Цікава, што сам генеральны консул у Горадні Яраслаў Ксёнжэк па адукацыі гісторык, таму і паставіўся да ідэі канферэнцыі прыхільна:
«Кажуць, кожнае пакаленне піша гісторыю нанова, але я некалі не верыў у гэта. Добра, барацьба з Камунай была і барацьбой за гістарычную праўду. Згодны. Але што новага можна ўжо сказаць пра бітву пад Грунвальдам? Давесці, што там перамаглі немцы?.. Зараз жа я бачу, што жыццё ідзе наперад і чалавек мае перыядычна азірацца, каб па-новаму ўбачыць і мінулае».
Удзельнікі канферэнцыі
Разам з тым, спадар Ксёнжэк адзначыў, што канферэнцыя, на жаль, пакуль праводзіцца не на базе Гродзенскага дзяржаўнага ўніверсітэту, а памяшканне консульства ў Гроднп не навуковая пляцоўка.
Яраслаў Ксёнжэк, генеральны консул Польшчы ў Горадні
Зрэшты, некаторыя прадстаўнікі ГрДУ на адкрыцці канферэнцыі былі прысутныя.
Ян Маліцкі, дырэктар Студыяў Усходняй Еўропы
«Гэтай канферэнцыі не было б, каб сам консул не быў гісторыкам, — звяртае ўвагу Ян Маліцкі, дырэктар Студыяў Усходняй Еўропы. — На наступныя два гады гэта радасць для гарадзенцаў! Так склалася жыццё, што навуковец быў адарваны ад кафедры і стаў консулам. Але вам варта карыстацца з ягонага навуковага запалу!»
Удзельнікі канферэнцыі
Канферэнцыя мае доўжыцца да нядзелі 24 лістапада, і будзе ўключаць у сябе як даклады і дыскусіі, так і выезды — напрыклад, на Аўгустоўскі канал пад Горадняй.Belsat.eu
Фота: Васіль Малчанаў
