Супольнасць Vitebsk4Me запрашае на адукацыйны курс, прысвечаны развіццю гарадской супольнасці. “Віцебскі арнамент” адкрыты для ўдзельнікаў без узроставых абмежаванняў, для асоб, якія захапляюцца актыўнасцямі любога напрамку – абы яны рабілі наш горад больш утульным, свабодным, прывабным.
Што плануеццамы будзем рабіць? Для пачатку – знаёмства з перадавымі практыкамі па арганізацыі гарадскіх падзей і працэсаў культурнага, мастацкага, сацыяльнага, экалагічнага і іншых напрамкаў. Добрыя выкладчыкі з розных гарадоў Беларусі распавядуць пра свой досвед, а таксама дадуць парады па праектах слухачоў курса.
Пасля даработкі сваіх ідэй удзельнікі змогуць прадставіць іх зацікаўленым у партнёрстве бакам – гарадскім службам, камерцыйным прадпрыемствам, грамадскім аб’яднанням, творчым ініцыятывам. У фармаце мінулагодніх “Творчых чацвяргоў” мы будзем разам шукаць партнёрства і дапамогу для таго, каб удзельнікі маглі давесці свае справы да канца. У 2016 г. пятнаццаць новых праектаў узбагацілі арнамент горада Віцебска. Сёлета будзе ня менш!
Каб стаць удзельнікам курса, трэба падаць заяўку на адбор. Заяўка запаўняецца па спасылцы. Прыём заявак адкрыты да нядзелі 15 кастрычніка 2017 г.
Па дадатковых пытаннях звяртайцеся на пошту: vitebsk4me@gmail.com альбо па тэлефоне +375 25 9133876 (Уладзімір)
