• budzma.by
  • Пра нас
  • Крама
Будзьма беларусамі! Будзьма беларусамі!
telegram www.instagram.com/budzma/ Facebook.com vk.com twitter.com youtube.com
  • Актуаліі
  • Меркаванні
  • Маё права
  • Гісторыя
  • Літаратура
  • Фотарэпартаж
  • Афіша
  • "Будзьма!" прапаноўвае
20.12.2018 | Крылы БНР

“Флэш-раяль” з Балаховічам: з’явіліся статусныя карты ў стылі БНР-100

Юбілейны год амаль скончаны, але стваральнікі покерных картаў у стылістыцы нашай першай нацыянальнай дзяржавы ўсё ж паспелі. На мінулым тыдні з друкарні забралі наклад якасных і добра ілюстраваных картаў з партрэтамі “айцоў рэспублікі”.

Ластоўскі, Кандратовіч, Мядзёлка, Балаховіч і іншыя гістарычныя персанажы з часоў БНР сталі каралямі, валетамі, дамамі і джокерамі ў ігральнай калодзе. Усе партрэты густоўна адмаляваныя ў колеры, а самі карты прыемна трымаць у руках – кардон і друк найвышэйшага гатунку! Хто і як зрабіў гэты цуд ужо “пад заслону” 100-годдзя БНР?

Калядны падарунак і “першая ластаўка” на 101-ю гадавіну БНР

Праект “Карты для гульні 100 гадоў БНР” паўстаў дзякуючы супрацы суполкі дызайнераў PRAS, выдавецтва “Тэхналогія” і каманды Pan Brat (вядомай раней па “сармацкіх цішотках”).

“Да 100-годдзя БНР мы вырашылі зрабіць нешта адметнае, – распавядае каардынатар праекту Зміцер Карабач. – Шмат было цішотак, мапаў, паштовак, налепак, а што яшчэ? Мы вырашылі – ігральныя карты. Так, год заканчваецца, але мы паспелі! Цяпер гэта і цудоўны калядны падарунак, і “першая ластаўка” да святкавання 101-й гадавіны БНР”.

Паводле Змітра, за спінай засталася немалая праца. Спачатку ідэя, якая прыйшла бізнесоўцу і мецэнату Паўлу Бераговічу. Пазней – выбар “пантэону айцоў-заснавальнікаў” – тут дапамаглі гісторык Уладзімір Ляхоўскі і выдавец Зміцер Санько. Дзякуючы мастаку Аляксею Кульбіцкаму быў створаны адзіны мастацкі стыль, а Уладзімір Арлоў зрабіў тэкставую падводку да кожнага персанажа.

Калода – гэта 52 карты непасрэдна для гульні, а таксама карткі з тлумачэннямі, хто ёсць хто. Стваральнікі паспрабавалі нават вывесці гістарычныя і лёсавыя лініі, каб раскласці ўсіх герояў па сваёй масці. Джокерамі, дарэчы, аказаліся Станіслаў Булак-Балаховіч і Макар Краўцоў: найбольш люты і непрадказальны ваяр БНР і аўтар гімна “Мы выйдзем шчыльнымі радамі”.

Не хутка, але якасна. Не танна, але статусна

“Не тое каб мы рабілі марудна, – працягвае Зміцер. – Проста спатрэбіўся час, каб зрабіць якасна. Такая дата ўсё ж раз у жыцці бывае – можам сабе дазволіць долю перфекцыянізму. У выніку атрымалася прыгожа, статусна і нятанна: усё ж такі італьянскі кардон, цудоўны друк!”

Зміцер Карабач

 

Карты сапраўды надрукаваныя на адмысловым картачным кардоне Burgo (Італія) з унутраным карбонавым слоем і пакрыццём Duplex Linen. Чалавеку з вуліцы гэта наўрад ці нешта скажа, але карты з такімі характарыстыкамі маюць найвышэйшую катэгорыю сярод кардонных картаў у свеце! Таму калода сапраўды статусная.

У “дурня” гуляць забараняецца!

З адваротнага боку пачка на пакупніка пазірае перакрэслены партрэт чырвонаармейца з цыгаркай у зубах (нібы з аповесцяў Пясэцкага). І гэта зусім не барацьба з курэннем, а гумар, бо побач надпіс: “У “дурня” гуляць забараняецца”. Стваральнікі рэкамендуюць гуляць гэтымі картамі ў больш шляхетныя гульні: покер, віст, прэферанс і г.д.

Камплект сярод іншага ўтрымлівае інфармацыйны буклецік пра гісторыю і ролю БНР – на ангельскай і рускай мовах. Вядома, што збіральнікі картачных калодаў ёсць па ўсім свеце, таму чым не нагода для экскурсу ў нашу гісторыю для замежнікаў?

Дзе знайсці?

Карты “100 гадоў БНР” ужо можна знайсці ў Мінску ў краме Symbal.by, у Гродне ў краме “Цудоўня”. Хутка карты будуць прадавацца і ў інтэрнэт-краме panbrat.by.

Колькі каштуе?

Агульны кошт для ўсіх крамаў будзе складаць 35 рублёў. Не прапусціце!

 

 

Алесь Кіркевіч


Tweet

Апошняе ў рубрыцы:

valiancina_shauchenka
Грамадства

«Мяне судзяць за танец». Рок-музыкант, якога судзяць за тое, што зьняў штаны, абвясьціў сухую галадоўку

Справу прадстаўніка горадзенскага андэграўнду Ігара Банцэра пачалі разглядаць у судзе Ленінскага раёну Горадні 3 сакавіка....

valiancina_shauchenka
Тэатр

Паліграф Сабачын: Васхіціцельны спектакль

Ад рэдакцыі. Раніцай да нас прыйшоў чалавек у аранжавай робе, з характэрным сіняватым колерам твару і, блішчучы залатым...

valiancina_shauchenka
Замежжа

Аўстралійская авіякампанія Qantas запусціла рэйсы ў невядомым кірунку. Даведацца пункт прызначэння можна толькі пры пасадцы

«Загадкавыя рэйсы» павінны стымуляваць унутраны турызм — у Аўстраліі забароненыя выезды за мяжу. Аўстралійская...

valiancina_shauchenka
Гісторыя

Як масоны змагаліся за Беларусь

Гісторыя тайных таварыстваў і сакрэтных арганізацыяў налічвае шмат стагоддзяў. Адным з найбольш знаных падобных...

Апошнія навіны

    Грамадства
    «Мяне судзяць за танец». Рок-музыкант, якога судзяць за тое, што зьняў штаны, абвясьціў сухую галадоўку
    Тэатр
    Паліграф Сабачын: Васхіціцельны спектакль
    Замежжа
    Аўстралійская авіякампанія Qantas запусціла рэйсы ў невядомым кірунку. Даведацца пункт прызначэння можна толькі пры пасадцы
    Гісторыя
    Як масоны змагаліся за Беларусь
    Гісторыя
    Казімір Лышчынскі: філосаф, якога пакаралі за «неіснаванне бога»
    Грамадства
    «Усё што цяпер адбываецца у беларускім грамадстве ўяўляецца мне як фаза парадаксальнага сну соцыума»: Зміцер Вайноўскі пра фатаграфію, пратэсты і тое, што будзе далей
    Грамадства
    У Viber з'явілася функцыя, якая павінна абараніць беларусаў ад званкоў махляроў
    Адукацыя
    Тартускі ўнівэрсытэт абвясьціў конкурс на стыпэндыі для беларускіх студэнтаў
    Грамадства
    Беларусы свету пратэстуюць супраць выкарыстання Беларускага таварыства чырвонага крыжа ў палітычных мэтах
    Грамадства Гісторыя
    «Ня наш гарадавы» — першае «міністэрства ўнутраных спраў» зьявілася ў беларусаў у ХVIII стагодзьдзі
    Гісторыя
    Фотафакт. У Беларусі будавалі дубовыя дарогі
    Грамадства Літаратура
    Затрымалі пісьменьніка Міхася Зізюка
    Тэатр
    «Асцярожна, тут могуць быць бчбэшнікі». Як у Купалаўскім прайшоў першы спектакль пасля прэзідэнцкіх выбараў
    Грамадства
    «За паўтара месяца мая душэўная стараннасць сышла ў мінус». Пісьменніца з Мінску прадала кватэру і купіла сінагогу
    Мастацтва
    «Складаю навіны ў крыжыкі». Мастачка сабрала пратэсты ў «Гісторыю беларускай выжыванкі»

Афіша

  • 06.03 11:00Майстэрня Форум-тэатра
  • 08.03 20:00Зміцер Вайцюшкевіч запрашае сустрэць вясну разам!
  • 06.05 20:00Народны альбом

УСЕ ПАДЗЕI

Рассылка навінаў

Важнае пра нас

  • Што такое "Будзьма беларусамі!"
  • Рэкламадаўцам
  • Асобы кампаніі
  • Усе праекты "Будзьма!"
  • Рэдакцыйная пошта: razam@budzma.org

Папулярнае

    • Найстаражытнейшы горад Панямоння. Вандруем у Слонім!
    • «Топи» vs «Сфагнум»: вельмі падобна, але...
    • «Амаральнасць ва ўсёй красе!» У Гомелі абласны суд прызнаў законным звальненне знакамітага гісторыка БелДУТ
    • У Беларусі рыхтуецца да запуску праект «Мова прафесіі», які дапаможа камунікаваць па-беларуску
    • Як ня падаць духам у чаканьні пераменаў? Парады дысыдэнта Міхася Кукабакі, які правёў у лягерах 17 гадоў

Ахова спадчыны

  • Смуткуем…
  • Сумесныя кансервацыйныя працы
  • Новыя перспектывы супрацы
  • Другое жыццё твора мастацтва
  • Праблема Жыровічскага манастыра вырашана
© Грамадская культурніцкая кампанія «Будьма беларусамі!», 2008-2019.
Логотип
Распрацавана і звярстана Логотип компании IBWM