У Мінску названыя пераможцы дзясятай штогадовай прэміі Experty.by лепшым беларускім альбомам па галасах беларускіх і замежных журналістаў. Адборачная камісія з чатырох штатных экспертаў адслухала 240 беларускіх поўнафарматнікаў 2017 года.
Лепшых з 33 фіналістаў абралі чатыры журы, якія складаліся з 17 беларускіх музычных журналістаў, 5 замежных і актыўных карыстальнікаў сайту. Замежныя выданні прадстаўлялі: Аляксей Горбаш (The Flow, Расія), Максім Сярдзюк (Muzmapa, Украіна), Ян Блашчак (Polityka, Польшча), Ілмарс Шлапіньш (Satori, Латвія), Эмілія Вісоцкайтэ (15min, Літва).
Перамогу ў галоўнай намінацыі – «Лепшы альбом года» – здабыла мінскае арт-рокавае трыа Tonqixod з альбомам «Колер, якога няма». Да ўзнагароды дадаецца практычны прыз – рэкламна-інфармацыйная падтрымка сольнага концерта ад брэнду Finlandia. Інтрыга ў тым, што ўвосень 2017 калектыў абвясціў пра прыпыненне дзейнасці, а канцэрт трэба правесці не паздней за пачатак чэрвеня.
На рахунку дыска Tonqixod таксама найвялікшая колькасць узнагарод – пяць. Па дзве ў моладзевых куміраў ЛСП і фолк-гурта Ulyanica, па одной – у індзі-спявачкі Ані Жданавай і польска-беларускіх рокераў Zero-85.
Пераможцы:
Tonqixod «Колер, якога няма» – «Лепшы альбом года», «Лепшы беларускамоўны альбом», «Лепшы рок-альбом», «Прыз штатных экспертаў», «Прыз вялікага журы»
ЛСП «Tragic City» – «Лепшы поп-альбом», «Прыз замежных экспертаў»
Аня Жданава «Appetiizer» – «Лепшы электронны альбом»
Ulyanica «Вясна» – «Лепшы дебютны альбом», «Лепшы фолк-альбом»
Zero-85 «Turriptopsis Nutricula» – «Прыз народных экспертаў»
