• budzma.by
  • Пра нас
  • Крама
Будзьма беларусамі! Будзьма беларусамі!
telegram www.instagram.com/budzma/ Facebook.com vk.com twitter.com youtube.com
  • Актуаліі
  • Меркаванні
  • Маё права
  • Гісторыя
  • Літаратура
  • Фотарэпартаж
  • Афіша
  • "Будзьма!" прапаноўвае
10.02.2017 | Літаратура

Героем трэцяга этапа лiтаратурнага праекта MOVABOX стаў паэт Віктар Жыбуль

9 лютага ў межах MOVABOX – сацыяльна-культурнай ініцыятывы кампаніі velcom, накіраванай на падтрымку сучаснай беларускай літаратуры, – быў прадстаўлены новы аўтар, творчасці якога будзе прысвечаны чарговы этап праекта. Ім стаў паэт-авангардыст і літаратуразнаўца Віктар Жыбуль.

kniha_zybul

З гэтай нагоды абнавіўся сайт праекта movabox.by. Гэтым разам арганізатары вырашылі звярнуцца да новай для праекта формы – паэзіі. У якасці героя трэцяга этапа быў абраны аўтар, якога адрознівае нестандартны падыход да творчасці і любоў да літаратурных і мастацкіх эксперыментаў. І гэта зразумела: адна з мэтаў праекта MOVABOX – пераадоленне стэрэатыпных уяўленняў аб сучаснай беларускай літаратуры. А неардынарныя, наватарскія вершы Віктара Жыбуля гэтых стэрэатыпаў пазбаўлены цалкам. І разам з тым яны знаходзяцца ў цеснай сувязі з рэчаіснасцю – супрацьпастаўляючы банальнасці і руціннасці штодзённага жыцця гульню, гумар і іронію.

«Лепшыя ўзоры класічнай беларускай літаратуры прысвечаны пошукам адказаў на пытанні, якія прынята называць «вечнымі». У творчасці Віктара Жыбуля пытанні таксама прысутнічаюць — але зусім іншыя: нечаканыя, неадназначныя, часам проста забаўныя, а часам нават «хуліганскія». Мы спадзяёмся, што тым, хто сочыць за праектам MOVABOX, будзе цікава назіраць гэтую эвалюцыю – і самім спрабаваць знайсці ўласныя варыянты адказаў на ўзнятыя аўтарам пытанні да сябе і да свету», – адзначыў кіраўнік аддзела брэнд-менеджменту velcom Зміцер Курловіч.

movabox

На сайце ўжо можна прайсці тэст па матывах творчасці Віктара Жыбуля і вызначыць свой тыпаж: хуліган, падбухторшчык, свавольнік, піянер, ціхоня ці выдатнік. У выніку ўдзельнік атрымае аўтарскае апісанне тыпажа ў выглядзе вершыка і можа пакінуць свой нумар тэлефона, каб прыняць удзел у розыгрышы MOVABOX з артэфактамі. Сярод іх, акрамя зборніка вершаў «Дзяцел і дупло» і традыцыйнага паслання ад аўтара, – пернік у выглядзе талона, трафарэт са словам «Адхуліганена», набор стыкераў з тыпажамі па тэсту для сябе i сяброў, значок «Выдатнік унутранага хуліганства», чалавечак на кнопачцы, каб дэманстраваць свой настрой, i абавязковы атрыбут «хулігана» – кулёк семак. Трэці этап праекта з удзелам Віктара Жыбуля будзе працягвацца пяць тыдняў, пасля чаго будуць вызначаны 20 шчасліўчыкаў-уладальнікаў MOVABOX, які ўвасабляе найбольш адметныя рысы літаратурнага «почырку» паэта.

«Жыццё, на мой погляд, такая рэч, да якой не заўсёды варта ставіцца занадта сур’ёзна. Кожнаму з нас патрэбны той маленькі гарэза, які ўвасабляе сабой уменне ўспрымаць нават «дарослую» рэчаіснасць з цікаўнасцю, непасрэднасцю, адкрытасцю. Які жыве ў кожным з вершаў, якія ўвайшлі ў зборнік «Дзяцел і дупло». Таму мне так імпануе праект MOVABOX – у першую чаргу, сваім імкненнем аднавіць успрыманне беларускай літаратуры, пазбавіцца ад існуючых у яе дачыненні штампаў і клішэ», – адзначыў Віктар Жыбуль.

spikery_movabox

Зборнік вершаў «Дзяцел і дупло» таксама хутка з’явіцца ў 20 кавярнях Беларусі, у якіх усталяваныя скрыні для беларскамоўнага буккросінга. Азнаёміцца са спісам і паглядзьць мапу можна на сайце movabox.by у раздзеле «Навіны».

Падчас прэс-канферэнцыі былі абвешчаны вынікі другога этапа праекту, а таксама агульныя лічбы па двум папярэднім удзельнікам MOVABOX – раманам Людмілы Рублеўскай «Авантуры студыёзуса Вырвіча» і Альгерда Бахарэвіча «Дзеці Аліндаркі». Так, агульная колькасць наведвальнікаў сайта з пачатку праекта склала 32 389 чалавек, сярод якіх 7 076 прайшлі тэсты і пакінулі свае кантакты для ўдзелу ў розыгрышы MOVABOX. Уражаннямі ад удзелу ў праекце падзяліўся Альгерд Бахарэвіч, перадаючы «эстафету» Віктару Жыбулю:

«Удзел у праекце MOVABOX для аўтара – гэта перш за ўсё магутная хваля станоўчых эмоцый. Таму што замест спадзявання з’яўляецца ўпэўненасць: так, кнігі на беларускай мове сёння патрэбныя, іх чытаюць і чакаюць. Прычым, як сведчыць прыклад праекта, гэта датычыцца самых розных па форме і зместу твораў, тэм і жанраў. Упэўнены, что вершы майго калегі Віктара Жыбуля аўдыторыя праекта MOVABOX сустрэне з цікавасцю і цеплынёй, а вобраз сучаснай беларускай літаратуры ва ўяўленнях чытачоў атрымае большую выразнасць і дакладнасць».

bukkrosing

MOVABOX – новы праект velcom, накіраваны на падтрымку беларускай культуры. Дзейнасць у гэтым напрамку з’яўляецца важнай часткай карпаратыўнай сацыяльнай адказнасці кампаніі. Сярод адметных праектаў – адукацыйная ініцыятыва «Чытаем па-беларуску з velcom», праект «Музей дзецям з velcom» сумесна з Нацыянальным гістарычным музеем, падтрымка праграмы «Падарожжа дылетанта» і іншыя.

Інфармацыйны партнёр праекта MOVABOX – грамадска-культурніцкая кампанія «Будзьма беларусамі!». Партнёры праекта – партал беларускіх электронных кніг kniharnia.by і бясплатныя курсы беларускай мовы «Мова нанова».

Глядзіце таксама:

Людміла Рублеўская запрасіла пераможцу MOVABOX на рандэву

Tweet

Апошняе ў рубрыцы:

valiancina_shauchenka
Літаратура

Адам Мальдзіс уганараваны дыпломам БІНіМ Канады за 2020 год

Цудоўную навіну паведаміў паэт Сяргей Панізнік: сябра Рады ЗБС «Бацькаўшчына» прафесар Адам Мальдзіс за надзвычайны ўклад у развіццё беларускай культуры і літаратуры ўганараваны Дыпломам Беларускага Інстытута...

valiancina_shauchenka
Грамадства

Стваральнік надпісаў «Жыве Беларусь» на мапе: «Я таксама быў апалітычны»

Мінчук Вадзім Сіманаў ёсць тым чалавекам, які стварае пры дапамозе бега і адмысловага прыкладання, надпісы і малюнкі на мапе Мінска. У вялікай гутарцы з «Трыбунай» ён кажа, што да вясны 2020 года быў апалітычным....

valiancina_shauchenka
Музыка

Таццяна Грыневіч: Я хачу вандраваць у сваёй вольнай Беларусі

Вядомая беларуская спявачка, бард, збіральніца народных песень Таццяна Грыневіч з-за каронавіруса даўно не вандруе па Беларусі, не радуе беларусаў сваімі музычнымі творамі. Дзе цяпер спадарыня Таццяна і чым...

valiancina_shauchenka

Фазэль, бізнес і правы чалавека. Беларускі трыгер еўрапейскай палітыкі

Ціхан Чарнякевіч піша на budzma.by пра нядаўні візіт прэзідэнта Міжнароднай федэрацыі хакею Рэнэ Фазеля ў Мінск. Усім вядомыя, думаю, выказванні накшталт «спорт па-за палітыкай» альбо «проста бізнес,...

Апошнія навіны

    Літаратура
    Адам Мальдзіс уганараваны дыпломам БІНіМ Канады за 2020 год
    Грамадства
    Стваральнік надпісаў «Жыве Беларусь» на мапе: «Я таксама быў апалітычны»
    Музыка
    Таццяна Грыневіч: Я хачу вандраваць у сваёй вольнай Беларусі
    Фазэль, бізнес і правы чалавека. Беларускі трыгер еўрапейскай палітыкі
    Грамадства
    У Гомелі затрыманы праваабаронца «Вясны» Леанід Судаленка
    "Культурызм" з Віктарам Марціновічам
    Віктар Марціновіч: Пуцін на беларускай сцежцы
    Літаратура
    Цыкл мерапрыемстваў, прысвечаны 100-годдзю Івана Шамякіна, стартуе ў БДУ
    Грамадства
    «64 дні ігнараваньня, праслухоўваньня, запалохваньня». Маці забітага Рамана Бандарэнкі звярнулася да Рэне Фазэля
    Краіна
    Сіноптыкі распавялі, калі нарэшце пацяплее
    Грамадства
    Белпошта прапануе выбраць найлепшую марку за 2020-ы. Там нават ёсць «Ева» Суціна і «Закаханыя» Шагала
    Асоба
    Заўтра адбудзецца грамадскае развітанне з Леанідам Лычом
    Краіна
    Беларусь страціла 98 пазіцый у рэйтынгу бяспекі краін
    Навіны "Будзьма!" Літаратура
    «Словы мацней»: Галіна Казіміроўская чытае твор Міхася Чарота
    Грамадства
    Gaudeamus igitur: дакумэнтальны фільм пра студэнцкі пратэст у Беларусі
    Грамадства
    З Унівэрсытэту фізычнай культуры на знак пратэсту супраць дзеяньняў дзяржавы звольніўся кандыдат навук

Афіша

  • 20.01 19:00Анлайн-канцэрт Андрэя Мельнікава
  • 21.01 19:00Літаратурна-музычнае мерапрыемства “Мой Багдановіч”
  • 06.05 20:00Народны альбом

УСЕ ПАДЗЕI

Рассылка навінаў

Важнае пра нас

  • Што такое "Будзьма беларусамі!"
  • Рэкламадаўцам
  • Асобы кампаніі
  • Усе праекты "Будзьма!"
  • Рэдакцыйная пошта: razam@budzma.org

Папулярнае

    • Віктар Марціновіч: А зараз вернемся да нармальнага жыцця?
    • Ад пракату «Доваду» да закрыцця кінатэатраў. Падводзім вынікі 2020 года ў беларускай кінаіндустрыі
    • Як у свеце адрэагавалі на візіт Рэнэ Фазэля да Лукашэнкі
    • Інфармацыйныя спецаперацыі супраць Беларусі ў заходніх СМІ
    • «Што там ў піндосаў», або Чаму Маск — найлепшы прэзідэнт для ЗША

Ахова спадчыны

  • Смуткуем…
  • Сумесныя кансервацыйныя працы
  • Новыя перспектывы супрацы
  • Другое жыццё твора мастацтва
  • Праблема Жыровічскага манастыра вырашана
© Грамадская культурніцкая кампанія «Будьма беларусамі!», 2008-2019.
Логотип
Распрацавана і звярстана Логотип компании IBWM