Калі любіш Фестываль AD.NAK!, а таксама любіш рабіць інфаграфіку або толькі пачынаеш ёй захапляцца, то абавязкова павінен паўдзельнічаць 14-15 чэрвеня ў двухдзённым бясплатным воркшопе “Інфаграфуй гісторыю AD.NAK!”.
Даведацца пра апошнія тэндэнцыі ў інфаграфіцы, зрабіць якасную работу пад кіраўніцтвам вядомых беларускіх экспертаў у галіне інфаграфікі, паказаць у фармаце інфаграфікі гісторыю Фестывалю AD.NAK! і прадэманстраваць на прыкладзе пераможцаў і найбольш яскравых праектаў, як беларускамоўная рэклама працуе ў якасці бізнес-інструмента, – асноўная мэта воркшопа.
Што гэта будзе?
Праграма воркшопа будзе складацца з дзвюх частак: у першай частцы ўдзельнікі пазнаёмяцца з сакрэтамі стварэння сучаснай інфаграфікі, разгледзяць і прааналізуюць практычныя кейсы. Другая частка будзе складацца з практыкі, пасля якой трэба будзе зрабіць інфаграфіку па гісторыі Фестывалю AD.NAK!.
У канцы другога дня ўдзельнікі воркшопа будуць абараняць свае канчатковыя праекты перад сябрамі журы конкурсу. Пераможцы конкурсу будуць абвешчаныя на цырымоніі ўзнагароджання 27 чэрвеня. Усе пераможцы атрымаюць каштоўныя прызы ад партнёраў Фестывалю.
Воркшоп пройдзе пад кіраўніцтвам вядомых беларускіх прафесіяналаў у галіне інфаграфікі:
Вадзім Шмыгаў, інфаграфіст TUT.BY;
Сяргей Сахараў, медыя-агенцыя “Францыск-група” (2004), галоўны рэдактар інтэрнэт-часопіса пра Мінск CityDog.by;
Мікола Шакель, медыя-агенцыя “Францыск-група” (2004), дырэктар па развіцці інтэрнэт-часопіса пра Мінск CityDog.by.
Сяргей Сахараў, адзін з куратараў воркшопа: “Вы і самі ведаеце, якая гэта цяпер модная штука – інфаграфіка. Але навучыцца вярстаць тэксты разам з ілюстрацыямі – палова справы. Інфаграфіка літаральна дапамагае людзям – у бізнесе, у жыцці, у адпачынку. Навучыцца рабіць карысную інфаграфіку, за якую людзям не будзе сорамна ў вочы паглядзець, – задача максімум, якой мы хочам дасягнуць падчас воркшопа”.
Дзе і калі?
14-15 чэрвеня, памяшканне фотастудыі Studio67 (г.Мінск, вул. Рэвалюцыйная, 7).
У воркшопе могуць узяць удзел дызайнеры, капірайтары, журналісты, арт-дырэктары і іншыя, хто займаецца стварэннем сучасных фарматаў камунікацыі.
Удзельнікі будуць адбірацца паводле наступных крытэраў: наяўнасць дызайнерскіх навыкаў, журналісцкі досвед, веды асноваў арт-дырэкшну.
Колькасць удзельнікаў:
Агульная колькасць удзельнікаў – да 25 чалавек. Удзельнікі могуць падаваць заяўкі як індывідуальна, так і камандна. Максімальная колькасць чалавек у камандзе – 3.
Падаць заяўку на удзел у воркшопе можна да 10 чэрвеня.
Удзел у конкурсах і намінацыях фестывалю AD.NAK! — БЯСПЛАТНЫ.
Заяўкі дасылайце на adnak@budzma.org з пазнакай “інфаграфіка”. У заяўцы абавязкова пазначце:
• імя,
• вопыт стварэння інфаграфікі,
• наяўнасць дызайнерскіх навыкаў (веданне графічных праграм),
• журналісцкі досвед,
• веды асноваў арт-дырэкшну,
• кантакты (нумар тэлефона, email, калі ёсць – акаўнт Facebook).
Не хапае інфармацыі? Ёсць пытанні? На ўсе пытанні адкажуць па нумары +375 29 375-9889, e-mail: adnak@budzma.org, Вікторыя Луд.
Куратары воркшопа:
Вадзім Шмыгаў, беларускі партал TUT.BY, інфограф. Працуе ў СМІ з канца 90-х, інфаграфікай займаецца з 2007 года, калі пачаў супрацоўнічаць з інфармацыйным агенцтвам “БелаПан”. У 2009 годзе правёў свой першы трэнінг па інфаграфіцы.
Сяргей Сахараў, медыя-агенцыя “Францыск-група” (2004), галоўны рэдактар інтэрнэт-часопіса пра Мінск CityDog.by. У медыябізнесе з канца 1990-х, стварае інфаграфіку з канца 2000-х.
Мікола Шакель, медыя-агенцыя “Францыск-група” (2004), дырэктар па развіцці інтэрнэт-часопіса пра Мінск CityDog.by. Кандыдат філалагічных навук, медыякансультант, стварае інфаграфіку з канца 2000-х.
Аб Фестывалі
Сёлетні Фестываль AD.NAK! прадстаўлены ў новай канцэпцыі, а менавіта: Думай глабальна – дзейнічай лакальна! Карыстаючыся гэтым трэндавым лозунгам, Фестываль AD.NAK! абвяшчае: «Трэба так! Дбай пра сваё – не прагадаеш!»
Фінальная частка Фестывалю – урачыстая цырымонія ўзнагароджання пераможцаў з папярэдняй адметнай адукацыйнай праграмай з удзелам замежных экспертаў – пройдзе 27 чэрвеня ў Мінску.
Па дадатковую інфармацыю звяртайцеся па тэл.: +375 29 177-0121, 29 755-1434.
