Вось ужо пяты раз запар на Фестывалі беларускамоўнай рэкламы AD.NAK! будзе ўганараваны пераможца ў намінацыі “Каша Сувораўская”. Словы “пераможца” і “ўганараваны” можна смела ставіць у двукоссе, і вось з якой прычыны.
“Каша” прысуджаецца тым рэкламным прадуктам, якія ігнаруюць факты беларускай гісторыі і традыцыі айчыннай культуры, а таксама дэманструюць непрафесійны падыход аўтараў да стварэння рэкламы.
Узяць удзел можа кожны ахвочы – трэба даслаць свой прыклад такога кшталту рэкламы. А пакуль вы шукаеце варыянты, “Будзьма” падрыхтавала для вас агляд прац пераможцаў за мінулыя гады.
2011. Год заснавання намінацыі запомніўся ажно трыма пераможцамі.
III месца – дзіўнага кшталту плакат “Гэта мая Радзіма”. Канечне, як кажуць, Радзіму не выбіраюць, але навошта казаць пра гэта так недвухсэнсоўна, тым больш з Радзімай нам пашанцавала.
II месца – пельмені “Вкус бульбаша”. Тут нават не ведаеш, што лепей – ці то чарговае выкарыстанне слова “бульбаш”, ці то спалучэнне яго са словам “вкус”. Мо стваральнікі разглядалі ў якасці мэтавай аўдыторыі насельніцтва з… хм… нетрадыцыйнымі відамі кухні? Дарэчы, цяпер пельмені выходзяць пад маркай “Вкус от бульбаша”
I месца – Шакаладная Хатынь. Тут і тлумачыць нічога не трэба.
Дарэчы, у Расіі з’явіўся падобны кандытарскі выраб хоць і без назвы. Супадзенне? Не думаем!
2012. Тут перамагае рэстаран “Імператрыца”, які рэкламаваў сябе наступным чынам:
Як трапна заўважылі інтэрнэт-карыстальнікі, яшчэ б вельмі хацелася б наведаць бар імя Мураўёва-вешальніка. Дарэчы, сляды “Імператрыцы” губляюцца ў часе, мо і дапамагла “Каша Сувораўская”.
Пра іншыя шэдэўры айчыннай рэкламы чытайце на нашым сайце неўзабаве
Мікалай Левертаў
