Фестываль пройдзе 16 і 17 лютага ў Мінску. У ім возьмуць удзел паэты, перакладчыкі, музыканты з Беларусі, Нарвегіі, Польшчы, Татарстана (РФ), Украіны, Швецыі. Арганізатары — ГА «Саюз беларускіх пісьменнікаў» і ГА «Беларускі ПЭН-цэнтр».
Партнёры: Шведскі саюз пісьменнікаў, Амбасада Каралеўства Швецыі ў Рэспубліцы Беларусь, грамадская культурніцкая кампанія “Будзьма беларусамі!”, галерэя TUT.BY.
Паэтычныя чытанні, прэзентацыі арыгінальных і перакладных кніг, круглы стол па вяртанні рэпрэсаванай літаратуры, музычныя выступы, перакладчыцкі батл і “Ноч паэзіі і музыкі” з узнагароджаннем фіналістаў конкурсу “Верш пра каханне” на прызы “Амерыканкі” – і гэта яшчэ не ўсё, што чакае наведнікаў штогадовага Стральцоўскага фэсту!
Упершыню будзе ўручаная прэмія імя Міхася Стральцова, адбудзецца ўганараванне лаўрэатаў прэміі “Залаты апостраф” часопіса “Дзеяслоў”.
Сярод шаноўных гасцей – зоркі еўрапейскай літаратуры нарвежац Стэйнар Обстад, паэткі Атэна Фарухсад (Швецыя) і Вальжына Морт (ЗША-Беларусь). Улюбёнец беларускай публікі Сяргій Жадан прадставіць новую кнігу ў перакладзе на беларускую мову, інтрыга вакол якой да апошняга трымаецца ў таямніцы.
Запрашаем! Уваход на ўсе мерапрыемствы фестывалю вольны!
Увага! У праграме магчымыя змены!
Праграма VII Міжнароднага паэтычнага фестывалю “Вершы на асфальце” памяці Міхася Стральцова (16-17 лютага 2018 г.)
І ДЗЕНЬ (16 лютага, пятніца)
Галерэя “ТUT.BY (Мінск, пр. Дзяржынскага, 57; ст. м. Міхалова)
Урачыстае адкрыццё фестывалю
Уручэнне прэміі імя Міхася Стральцова.
Прэзентацыя кнігі Міхася Стральцова “Я зноўку тут” (укладальнік Віктар Шніп)
Уручэнне прэміі “Залаты апостраф” часопіса “Дзеяслоў”.
18:00 – 19:00
Памяці Міхала Анемпадыстава. Спявае Кася Камоцкая.
19.00 – 19.30
Вечар паэтаў-лаўрэатаў: Міхал Бараноўскі, Наста Кудасава,Уладзімір Някляеў, а таксама лаўрэаты прэміі імя Міхася Стральцова і прэміі “Залаты апостраф”.
19:30 – 20:30
Рыгор Барадулін. «Псалмы». Спявае Міхаіл Рубін.
20:30 – 21:00
Міжнародныя чытанні: Уладзімір Арлоў (Беларусь), Лілія Газізава (Татарстан, Расія), Сяргій Жадан (Украіна), Вальжына Морт (ЗША-Беларусь), Стэйнар Обстад (Нарвегія), Андрэй Сцепанюк (Польшча) Сяргей Прылуцкі (Украіна-Беларусь), Атэна Фарухсад (Швецыя).
21:00 – 22:30
ІІ ДЗЕНЬ (17 лютага, субота)
Кавярня-клуб «Грай» (Мінск, вул. Інтэрнацыянальная, 33)
Круглы стол “Прапушчаныя старонкі: паэзія 1920-х – пачатку 1930-х гг.”. Прэзентацыя зборнікаў Алеся Дудара і Юлія Таўбіна, а таксама кнігі “Бліскавіцы: анталогія беларускай жаночай паэзіі міжваеннага перыяду”. Сяргей Будкін, Аксана Данільчык, Віктар Жыбуль, Ганна Севярынец, Міхась Скобла, Андрэй Хадановіч.
12:00 – 13:30
Канцэрт Алеся Дзянісава.
13:30 – 14:00
Прэзентацыя новых кніг (Серыі “Кнігарня пісьменніка”, “Пункт адліку”, “Бібліятэка “Дзеяслова” і іншыя выданні.) Валянціна Аксак, Віктар Жыбуль, Віктар Казько, Ганна Комар, Ігар Кулікоў, Кацярына Массэ, Уладзімір Някляеў,Сяргей Прылуцкі, Усевалад Сцебурака.
14:00 – 16:00
Перакладчыцкі батл. Прэзентацыя новых кніг з серыі “Паэты планеты”.
Удзел бяруць Уладзімір Арлоў, Лявон Баршчэўскі, Алесь Емяльянаў-Шыловіч, Сяргій Жадан, Марына Казлоўская, Зміцер Колас, Ганна Комар, Ігар Крэбс, Ігар Кулікоў, Марыя Мартысевіч, Кацярына Маціеўская, Сяргей Прылуцкі, Андрэй Хадановіч, Юля Цімафеева, Ганна Янкута.
16:00 – 17:30
Прэзентацыя кнігі паэта-набелістаТумасаТранстромера “Пад вольным небам”.
З удзелам Атэны Фарухсад (Швецыя), а таксама перакладчыкаў Уладзіміра Арлова, Лявона Баршчэўскага, Алесі Башарымавай і Андрэя Хадановіча.
17:30 – 18:30
“Ноч паэзіі і музыкі”.
Сяргій Жадан (Украіна), Вальжына Морт (ЗША-Беларусь), Лілія Газізава (Татарстан, Расія), Стэйнар Обстад (Нарвегія), Атэна Фарухсад (Швецыя), Юля Фінькоўска (Украіна), Сяргей Прылуцкі (Украіна-Беларусь), Крысціна Бандурына, Васіль Барысюк, Альгерд Бахарэвіч, Дар’я Бялькевіч, Уладзімір Глазаў, Павел Дарохін, Таццяна і Дзмітрый Дзмітрыевы, Югася Каляда, Наста Кудасава, Марыя Мартысевіч, Галіна Сіўчанка, Дзмітрый Строцаў, Усевалад Сцебурака, Віка Трэнас, Юля Цімафеева (Беларусь).
Узнагароджанне фіналістаў конкурсу “Верш пра каханне” на прызы “Амерыканкі”.
Музыка: Сяргей Башлыкевіч, Уладзь Лянкевіч.
18:30 – 23:00
