20 лютага, панядзелак
1115 — 1235
(аўд. 47)
«І слова ў сэрцы адгукнецца…»
Сустрэча з настаўнікам-метадыстам Валянцінай Карлаўнай Раманцэвіч — перакладчыкам на беларускую мову амаль 30-ці школьных падручнікаў па хіміі, фізіцы, біялогіі, суаўтарам «Слоўніка сучаснай беларускай мовы», «Беларускага вайсковага слоўніка», «Беларускай мовы для вайскоўцаў», «Энцыклапедычнага слоўніка рэлігійнай лексікі беларускай мовы».
21 лютага, аўторак
1245 — 1545
(аўд. 304)
Літаратурна-музычная кампазіцыя «Слова роднае — вечнасці след… »
Святкаванне Міжнароднага дня роднай мовы, у якім прымаюць удзел пісьменнік, публіцыст, галоўны дырэктар радыёстанцыі «Беларусь» Навум Якаўлевіч Гальпяровіч, аспірантка Цукубскага ўніверсітэта (Японія) Сіёры Кіёсава, фальклорны калектыў«Мілавіца» Цэнтра дадатковай адукацыі дзяцей і моладзі «Ветразь» г. Мінска (мастацкі кіраўнік Марыя Снітко) і курсанты ваеннага факультэта Беларускай дзяржаўнай акадэміі авіяцыі.
22 лютага, серада
1425 — 1545
(аўд. 304)
Інтэлектуальна-пазнавальная гульня «Філалогія і Я» з удзелам студэнтаў 1 курса спецыяльнасцей «Беларуская філалогія», «Руская філалогія» і «Славянская філалогія».
23 лютага, чацвер
1115 — 1235
(аўд. 322)
Лінгвістычна-мастацка-дыскусійная гасцёўня на тэму «Яны змаглі, а ТЫ зможаш?»
Як увасобіць уласныя ідэі па стварэнні і пашырэнні візуальных матэрыялаў у мэтах папулярызацыі беларускай мовы сярод моладзі? Уласным досведам з намі падзеляцца:
Дар’я Мандзік, архітэктар і аўтар праекта «Не маўчы па-беларуску!»,
Ян Мяльніцкі, юрыст, экскурсавод і аўтар беларускамоўных коміксаў,
Юлія Бажок, філолаг, аўтарка ідэі беларускамоўнай настолкі «Палескія археолагі».
24 лютага, пятніца
1245 — 1405
(аўд. 304)
Дзень беларускага перакладу «Беларуска-венгерская культурная прастора…», або Ці можа Лявоніха танчыць «Чардаш»?
Cустрэча ў Майстэрні перакладчыка пройдзе з удзелам Петэра Бараса, перакладчыка, матэматыка, праграміста.
