Нацыянальны мастацкі музей Рэспублікі Беларусь аб’яўляе набор валанцёраў!
Прыгожых і таленавітых, маладых і смелых. Калі табе хочацца адчуць музей знутры, калі ты гатовы развівацца і змяняцца разам з музеем, калі ў ноч музеяў ты хочаш быць не толькі гледачом – запаўняй анкету і прыходзь на сустрэчы.
Падзяліся сваім часам, і мы знойдзем для цябе цікавую задачу – па сэрцы і па сілах.
Актыўныя валанцёры па выніках супрацоўніцтва з музеем атрымліваюць перавагі:
– вольны ўваход у музей;
– запрашэнні на адкрыцця выстаў;
– запрашэнні на асобныя канцэрты;
– магчымасць наведваць музейныя праграмы і экскурсіі;
– удзел у бонусных закрытых мерапрыемствах для валанцёраў.
Запоўні анкету і чакай навін.
Ёсць пытанні – пішы на artlovemuseum@gmail.com
Будзь з намі!
Мастацкі музей.
Паводле арганізатараў
