• budzma.by
  • Пра нас
  • Крама
Будзьма беларусамі! Будзьма беларусамі!
telegram www.instagram.com/budzma/ Facebook.com vk.com twitter.com youtube.com
  • Актуаліі
  • Меркаванні
  • Маё права
  • Гісторыя
  • Літаратура
  • Фотарэпартаж
  • Афіша
  • "Будзьма!" прапаноўвае
20.07.2017 | Літаратура

Пра мастурбацыю і не толькі: апублікаваная аповесць на аснове ліставання Дастаеўскага з юнакамі з Беларусі

«Откровения юных душ»: у Амерыцы выйшла кніга Сямёна Букчына на аснове ліставання Дастаеўскага з маладымі людзьмі.

Фёдар Дастаеўскі. Фрагмент партрэта пэндзля Васіля Пярова. Фота з Вікіпедыі.

Амерыканскае выдавецтва Franc Tireur (Нью-Ёрк) выпусціла на рускай мове кнігу Сямёна Букчына «Откровения юных душ». У кнігу ўвайшлі дзве аповесці, пабудаваныя на ліставанні класіка літаратуры Фёдара Дастаеўскага з віцебскім гімназістам Уладзімірам Стукалічам і маладой мінчанкай Соф’яй Лур’е.

Віцебскі юнак вырашыў даверыць пісьменніку самыя інтымныя старонкі свайго жыцця. Дастаеўскі з уласцівай яму цікавасцю да тэмы ананізму літаральна прымусіў сарамлівага хлопца раздзецца.

Той вельмі перажываў з прычыны, што лісты пісьменніка могуць трапіць на вочы родным. І таму ён знішчыў іх. Але лісты самога Стукаліча захаваліся ў архіве Дастаеўскага і ўпершыню цалкам друкуюцца ў кнізе. Стукаліч двойчы наведаў пісьменніка ў Пецярбургу.

Іх размовы і ліставанне выходзілі за межы інтымнай тэмы, якая вельмі хвалявала падлетка. Віцебскі гімназіст таксама пісаў Дастаеўскаму аб праблемах і навакольнага, і расійскага жыцця.

Ён імкнуўся далучыць рускага пісьменніка да складанасцей тагачаснага нацыянальнага побыту ў Беларусі і ў адным з лістоў з выклікам падкрэсліў, што, пры ўсёй сімпатыі да рускіх, ён перш за ўсё лічыць сябе беларусам і бачыць сваю будучыню ў тым, каб працаваць на адукацыю і выхад з цемры беларускага народа.

Пазней Уладзімір Казіміравіч Стукаліч скончыў юрыдычны факультэт Пецярбургскага ўніверсітэта, шмат пісаў і друкаваў на тэмы беларускай гісторыі, стаў вядомым у Віцебску грамадскім дзеячам.

Менавіта ліберальная грамадская дзейнасць, у тым ліку скіраваная на ўмацаванне нацыянальных прыярытэтаў беларусаў, стала прычынай расстрэлу Стукаліча віцебскай ЧК у 1918 годзе.

Другая аповесць прысвечана сустрэчам і ліставанню Дастаеўскага з дачкой мінскага фінансіста Сафіяй Лур’е.

Яна збіралася ехаць у якасці медыцынскай сястры ў Сербію на расійска-турэцкую вайну і прыехала параіцца да яго. Пісьменнік горача вітаў гэта жаданне маладой мінчанкі і распавёў пра іх сустрэчу і размову ў адным з нумароў свайго «Дневника писателя». Жаданню Соф’і запярэчыў бацька, і паездка не адбылася. Але кантакты яе з Дастаеўскім працягваліся. У адным з лістоў Соф’я падрабязна распавяла пісьменніку пра пахаванне доктара Гіндэнбурга, якога за добрае і бескарыслівае сэрца любілі ўсе жыхары Мінска, асабліва бедната. Таму яго пахаванне стала нечуванай дагэтуль у горадзе грамадзянскай акцыяй. У апошні шлях доктара праводзіў літаральна увесь Мінск. Дастаеўскі, якога вельмі хвалявала гуманістычная праблема «всечеловека», амаль без змен змясціў вялікі ліст Соф’і Лур’е ў чарговым нумары «Дневника писателя». Такім чынам маладая мінчанка ў пэўным сэнсе стала сааўтаркай вялікага рускага пісьменніка.

Частка лістоў Дастаеўскага да маладой мінчанкі захавалася і ўвайшла ў ягоны збор твораў. А частка згубілася. Затое лісты самой Сафіі Лур’е захаваліся цалкам у архіве Дастаеўскага і, як і лісты У.Стукаліча, надрукаваныя ў кнізе С.Букчына.

Сафія Лур’е памерла маладой жанчынай. Яна займалася перакладчыцкай дзейнасцю, перакладала на нямецкую Дастаеўскага, Чэхава, Караленку.

Яе сын Пол Эпштэйн стаў вядомым фізікам, прафесарам Калумбійскага тэхналагічнага інстытута, у архіве якога захоўваюцца ягоныя ўспаміны, у тым ліку ў іх гаворыцца і пра ліставанне яго маці з Дастаеўскім, пра лёс іх перапіскі.

Творчасць Фёдара Дастаеўскага — адна з вяршынь сусветнай літаратуры. Ён не проста пранікаў у глыбіні чалавечай душы, ён імкнуўся апісаць страсці, якія валодаюць чалавечай душой, ірацыяльныя памкненні. Пры гэтым ён быў крытычны да заходнееўрапейскай цывілізацыі, да каталіцызму і пратэстантызму і, адначасова, да ліберальных, сацыялістычных і атэістычных ідэй. Усяму гэтаму ён процістаўляў праваслаўную Расію і «рускую душу». Ліставанне Дастаеўскага з беларусамі дазваляе лепш зразумець, як пісьменнік збіраў матэрыял для сваіх твораў.

Наша Ніва

 

Tweet

Апошняе ў рубрыцы:

valiancina_shauchenka
Грамадства

29-гадовы дырэктар Нацыянальнага гістарычнага музея пакідае пасаду

Яго называлі пратэжэ экс-міністра культуры Юрыя Бондара, піша Наша Ніва. minsknews.by Культуролаг Павел Сапоцька, які з’яўляўся дырэктарам Нацыянальнага гістарычнага музея Рэспублікі Беларусь, пакідае...

valiancina_shauchenka
Грамадства

18-гадовы палітвязень узяў віну на сябе, але і яго сяброўку не вызвалілі. Зірніце, як ён малюе

Сярод чатырох соцень зняволеных за палітыку ў Беларусі — трое зусім маладых, 18-гадовых, піша Наша Ніва. Дваіх з іх, Сафію Малашэвіч з Мазыра і Ціхана Клюкача з Брэста, акурат цяпер...

valiancina_shauchenka
Мастацтва

Мастак з Плошчы пераменаў: Карціна «Ромка, выходзь» аб тым, каб хлопцы выходзілі гуляць у мяч, а не паміраць

Мастак Андрэй Дубінін кажа, што цяпер ён стаў актуальным, хоць не хацеў гэтага. Яго карціна аб расстрэлах 1937 году «Ноч паэтаў», што прагрымела некалькі гадоў таму назад, па сутнасці, стала успамінам...

valiancina_shauchenka
Грамадства

Вольскі: «Яны ня хочуць, каб большасьць палюбіла іхні сьцяг, герб, лідэра»

Фармальны падыход. Прыйшоў яшчэ з СССР. Галачка стаіць, значыцца, усё зроблена. Насамрэч, можа быць усё, што хочаш — зроблена часткова, зусім не зроблена, але наяўнасць галачкі — упартая рэч, піша...

Апошнія навіны

    Грамадства
    29-гадовы дырэктар Нацыянальнага гістарычнага музея пакідае пасаду
    Грамадства
    18-гадовы палітвязень узяў віну на сябе, але і яго сяброўку не вызвалілі. Зірніце, як ён малюе
    Мастацтва
    Мастак з Плошчы пераменаў: Карціна «Ромка, выходзь» аб тым, каб хлопцы выходзілі гуляць у мяч, а не паміраць
    Грамадства
    Вольскі: «Яны ня хочуць, каб большасьць палюбіла іхні сьцяг, герб, лідэра»
    Мастацтва
    Палессе стане адной з сусветных пляцовак, дзе пройдзе конкурс мастакоў
    Грамадства
    «Выйшаў па цыгарэты і знік». Малады рэжысёр пяць месяцаў сядзіць на Валадарцы
    Грамадства
    У Мінскім раёне бацьку семярых дзяцей судзілі за бел-чырвона-белыя жалюзі
    Спорт
    Беларускіх футбалістаў зрабілі невыязнымі. «Каб захаваць дзяржаўныя грошы ў дзяржаве»
    Маё права
    Аўдыё пра забойствы і лягеры для пратэстоўцаў. Беларускія праваабаронцы зьвярнуліся ў ААН
    Спорт
    Škoda адмаўляецца спансіраваць ЧС па хакеі, калі ён пройдзе ў Беларусі
    Мастацтва
    У Полацку адкрылася выстава Канстанціна Вашчанкі
    Грамадства
    Лісты за краты. «Цісну рукі, абдымаю і веру ў хуткае вызваленне!»
    Грамадства
    Фазэль прызнаў, што зараз у Беларусі мала шанцаў прыняць ЧС па хакеі
    Грамадства
    Інфармацыйныя спецаперацыі супраць Беларусі ў заходніх СМІ
    Праект Кірыла Стаселькі "Можам"
    «Выпадкаў несправядліва асуджаных у Беларусі вельмі шмат»

Афіша

  • 20.01 19:00Анлайн-канцэрт Андрэя Мельнікава
  • 21.01 19:00Літаратурна-музычнае мерапрыемства “Мой Багдановіч”
  • 06.05 20:00Народны альбом

УСЕ ПАДЗЕI

Рассылка навінаў

Важнае пра нас

  • Што такое "Будзьма беларусамі!"
  • Рэкламадаўцам
  • Асобы кампаніі
  • Усе праекты "Будзьма!"
  • Рэдакцыйная пошта: razam@budzma.org

Папулярнае

    • Віктар Марціновіч: А зараз вернемся да нармальнага жыцця?
    • Запісы Зайцава — справа расійскіх нафтавікоў
    • Ад пракату «Доваду» да закрыцця кінатэатраў. Падводзім вынікі 2020 года ў беларускай кінаіндустрыі
    • Як у свеце адрэагавалі на візіт Рэнэ Фазэля да Лукашэнкі
    • «Словы мацней»: Аляксандр Памідораў чытае твор Зямы Піваварава

Ахова спадчыны

  • Смуткуем…
  • Сумесныя кансервацыйныя працы
  • Новыя перспектывы супрацы
  • Другое жыццё твора мастацтва
  • Праблема Жыровічскага манастыра вырашана
© Грамадская культурніцкая кампанія «Будьма беларусамі!», 2008-2019.
Логотип
Распрацавана і звярстана Логотип компании IBWM