16 лістапада 2016 года ў межах Сусветнага тыдня прадпрымальніцтва ў Беларусі ў Мінску пройдзе семінар “Сацыяльнае прадпрымальніцтва ў Беларусі і свеце”.
Запрашаюцца: дзейныя прадпрымальнікі і бізнесоўцы, студэнты эканамічных спецыяльнасцей, прадпрымальнікі-пачаткоўцы.
На семінары можна пазнаёміцца з беларускімі і замежнымі сацыяльнымі прадпрымальнікамі і дабрачыннымі праектамі, далучыцца да сумеснай працы (атрымаць магчымасць прайсці стажыроўку, прапанаваць валанцёрскую дапамогу, інш.). Таксама можна ўбачыць прадукцыю сацыяльных прадпрыемстваў.
Вядоўцы семінару:
Герд Юнэ (Нідэрланды) – старшыня Рады фонда анлайн-навучання The Network University (TNU), працаваў у Амстэрдамскім і Нью-Ёркскім універсітэтах, кіраваў даследчыцкімі праектамі ААН, ФАО, МАП, Еўразвяза, Фонда Фальксвагена, Інстытута Ратэнау, парламента Германіі, шэрагу міністэрстваў Нідэрландаў. Эксперт у пытаннях навучання праз усё жыццё, распрацоўшчык інавацыйных адукацыйных праграм. Пачаў ствараць праграмы анлан-навучання прадпрымальнікаў, бо быў занепакоены высокім узроўнем беспрацоўя сярод моладзі ў многіх краінах. Растлумачыць асноўныя трэнды ў развіцці сацыяльнага прадпрымальніцтва ў Галандыі і ў свеце.
Ганна Чаракова (Нідэрланды) – сацыяльная прадпрымальніца, сузаснавальніца Bin Bang, крэатыўная дырэктарка Crowd Effect, сузаснавальніца і трэнерка школы Waste Away Challenge (адукацыйныя праграмы ў галіне прадпрымальніцтва і рэсайклінгу).
Распавядзе гісторыю стварэння сваіх сацыяльных прадпрыемстваў у Галандыі.
Кацярына Каўрова (Беларусь) – cацыяльная прадпрымальніца, кіраўніца Сямейнага цэнтра Кацярыны Каўровай (Мінск), сацыяльнай майстэрні па вытворчасці фігур з гіпсу “Нашы майстры” для рэабілітацыі алказалежных людзей.
Распавядзе пра гісторыю стварэння сацыяльнай майстэрні і асаблівасці сацыяльнага бізнесу.
Павал Данейка (Беларусь) – беларускі бізнесовец, адзін з заснавальнікаў Інстытута прыватызацыі і менеджменту (Мінск), працаваў у назіральных радах Silvano Fashion Group, ЗАТ “Milavitsa“, ЗАТ “Uniter” (Беларусь), CASE (Украiна). Спецыялізуецца на рэструктурызацыі прадпрыемстваў, стратэгічным менеджменце, трансфармацыйнай эканоміцы, карпаратыўным кіраванні, навучанні топ-менеджменту.
Алёна Ліс – старэйшы праграмны менеджэр ОДБ Брусель (Бельгія), каардынатарка праграмы “Інкубатар сацыяльнага прадпрымальніцтва“. Распавядзе разам з Максімам Падбярозкіным пра актуальныя магчымасці для сацыяльных прадпрымальнікаў у Беларусі.
Максім Падбярозкін – каардынатар праграм ОДБ Брусель (Бельгія) у Беларусі.
Арганізатары: ОДБ Брусель (Бельгія), Праграма падтрымкі Беларусі Федэральнага ўрада Германіі. Семінар арганізаваны ў межах Сусветнага тыдня прадпрымальніцтва ў Беларусі (GEW) – глабальнага мерапрыемства для наватараў і наймальнікаў, якія запускаюць стартапы, увасабляюць ідэі ў жыццё, распрацоўваюць праекты, што вядуць да росту эканомікі і паляпшэння дабрабыту.
Мерапрыемства пройдзе з 10:00 да 14:00.
Каб падаць заяўку на ўдзел у семінары “Сацыяльнае прадпрымальніцтва ў Беларусі і свеце”, неабходна прайсці анлайн-рэгістрацыю. Дэдлайн – 9 лістапада 2016 года. Рэгістрацыя на мерапрыемства абавязковая. Колькасць месцаў абмежаваная. Па дадатковых пытаннях, калі ласка, лістуйце на е-мэйл: Maksim@odb-office.eu (спадар Максім Падбярозкін).
Даведка: Герд Юнэ і Ганна Чаракова ўдзельнічаюць у семінары ў межах міжнароднай праграмы па навучанні сацыяльнаму прадпрымальніцтву ў Беларусі, якую ладзіць ОДБ Брусель у партнёрстве з TNU Network University (Нідэрланды), беларускім моладзевым грамадскім аб’яднаннем “New Faces” і міжнародным грамадскім аб’яднаннем “Згуртаванне беларусаў свету “Бацькаўшчына” пры падтрымцы Еўразвязу.
