“Увабраўшы сонца” — назва апошняга, сёмага фільма з праекта “Маналог Майстра” ад кампаніі “Будзьма беларусамі!”. Герой фільма Васіль Рубцоў працуе ў творчай майстэрні “Іслач” . Ён аднаўляе старадаўнюю традыцыю шкляных налібоцкіх гутаў. “Пакуль што не трэба нічога выдумляць, — упэўнены Майстар. — Трэба аднавіць, зрабіць і захаваць тое, што было. Бо гэта варта намаганняў і варта жыцця!”
Кампанія “Будзьма беларусамі!” запрашае ў відэападарожжа на бераг чысцюткай Іслачы. Знаёмцеся з традыцыяй, якая ўвабрала ў сябе сонца! Глядзіце таксама ўсе папярэднія фільмы з серыі “Маналог Майстра” і дзяліцеся імі з сябрамі, бо нарысы праекта даступныя для разумення ўсім: у наладках відэа ёсць англійскія, беларускія і рускія субтытры.
Усе выпускі праекта “Маналог Майстра”:
“Чаму беларусы такія бедныя? Таму што яны не ведаюць, што багатыя!”
“Я шчаслівы! Кожны дзень і шмат разоў!”: сакрэт шчасця ў новым “Маналогу Майстра”
Дэкларацыя правоў чалавека выцінанкай
“Майстру важна не быць кавалём без сякеры”
“Ёсць рукі — галодным не застанешся! Не прападзеш!”
Сем выбітных майстроў, сем самабытных рамёстваў, сем адметных светапоглядаў!
