Дагэтуль працягваюцца спрэчкі вакол прыезда ў Мінск Рэнэ Фазэля — у аўторак і сераду Старшыя ІІХФ апынуўся пад моцным прэсінгам.
Фота Reuters
Галоўная ідэя Фазэля — дыялог паміж уладай Беларусі і апазіцыяй. Прычым не фіктыўны, а рэальны, які задаволіў бы ўсе бакі. Калі б удалося яго арганізаваць, то чэмпіянат цалкам верагодна атрымалася б захаваць, а хакей стаў бы моцнай аб'яднаўчай сілай — разважае аглядальнік TUT.by Кірыл Клімянкоў. — Калі б Лукашэнка і беларускі ўрад зрабілі сур'ёзныя крокі насустрач, у прыхільнікаў заяўкі Мінска былі б вельмі моцныя пазіцыі перад пасяджэннем Савета IIHF. Але, мяркуючы па ўсім, прапановы Рэнэ Фазэля падтрымкі не знайшлі. Больш за тое, за абдымкі з Лукашэнкам і фатаграфіі з Дзмітрыем Баскавым па ім жорстка прайшліся ў мясцовай прэсе.
Толькі Фазэль пахваліў ўрад за гатоўнасць да дыялогу і зменаў у Канстытуцыі, як яму адказалі, што «ўвязваць Канстытуцыю з чэмпіянатам свету абсурдна», а «рэальны дыялог даўно ідзе праз дыялогавыя пляцоўкі». Ніякіх спартсменаў у Беларусі не рэпрэсуюць, а ў дачыненні да Баскава дзейнічае прэзумпцыя невінаватасці.
Канчатковае рашэнне па чэмпіянаце будзе прынята не пазней за 27 студзеня. Да гэтай даты Беларусь павінна зрабіць рашучыя крокі насустрач IIHF і дзеяннямі падмацаваць міратворчую ідэю Фазеля.
