8-9 кастрычніка 2015 г. у Віцебскім дзяржаўным універсітэце імя П.М. Машэрава адбудзецца міжнародная навукова-практычная канферэнцыя «Актуальныя праблемы крыніцазнаўства».
Арганізатары – Міністэрства адукацыі Рэспублікі Беларусь, Віцебскі дзяржаўны ўніверсітэт імя П.М. Машэрава, Беларускі дзяржаўны ўніверсітэт, Рэспубліканскі інстытут вышэйшай школы, Інстытут гісторыі Нацыянальнай акадэміі навук Беларусі, пры ўдзеле «Научно-педагогической школы источниковедения – сайт Источниковедение.ru».
Асноўныя напрамкі працы
1. Тэорыя крыніцазнаўства: новыя падыходы.
2. Крыніцазнаўства і спецыяльныя гістарычныя дысцыпліны.
3. Гісторыя крыніцазнаўства.
4. Крыніцы па гісторыі Беларусі і суседніх краін.
5. Пісьмовыя крыніцы ў фондах архіваў: праблемы захавання і вывучэння.
6. Музейныя прадметы і калекцыі як гістарычныя крыніцы.
7. Кніга як помнік культуры і гістарычная крыніца.
8. Праблемы публікацыі гістарычных крыніц.
У рамках канферэнцыі пройдзе круглы стол па праблемах выкладання крыніцазнаўства і спецыяльных гістарычных дысцыплінаў.
Для ўдзелу ў канферэнцыі неабходна да 20 красавіка 2015 г. накіраваць аргкамітэту на адрас kryn2013@yandex.ru тэкст даклада і заяўку з указаннем наступных звестак пра аўтара:
– прозвішча, імя, імя па бацьку;
– вучоная ступень, званне;
– месца працы, пасада;
– паштовы адрас (службовы і хатні);
– тэлефон з указаннем кода горада;
– e-mail;
– тэма даклада.
Аргкамітэт пакідае за сабой права адбору дакладаў для ўключэння ў праграму, а рэдкалегія – права рэдагавання дакладаў, якія ўключаюцца ў зборнік.
Матэрыялы, афармленне якіх не адпавядае патрабаванням, не прымаюцца да разгляду.
Персанальныя запрашэнні будуць дасланыя ў чэрвені 2015 г.
Зборнік матэрыялаў плануецца выдаць да пачатку працы канферэнцыі. Памер арганізацыйнага ўзносу будзе паведамлены дадаткова.
Выдаткі на праезд, пражыванне і харчаванне – за кошт камандзіруючых арганізацыяў.
Рабочыя мовы канферэнцыі: беларуская, руская, англійская.
Дадатковую інфармацыю можна атрымаць у каардынатара: Анатоль Мікалаевіч Дулаў; тэл. (8-212) 58 97 38, (29) 668 58 07.
