Доктар гістарычных навук, прафесар Алесь Краўцэвіч працягвае на ўласным YouTube-канале распавядаць пра малавядомыя факты з беларускай гісторыі.
Ці існавалі ў Сярэднявеччы супердзяржавы ў Цэнтральнай і Усходняй Еўропе? Якім чынам і навошта дзяржавы заключалі ўніі? Як дзеля сваёй выгоды кіраўнікі тагачасных дзяржаваў выкарыстоўвалі сваркі паміж памежнымі краінамі? Ці патрапіла ВКЛ у такую палітычную сітуацыю? Як апынуўся ў палоне князь Кейстут і ці здолеў уратавацца? Якім чынам князям-дуумвірам удавалася трымаць навалу з Усходу і Захаду адначасова? На гэтыя пытанні адказвае гісторык Алесь Краўцэвіч у новым відэа.