16.12.2016 | Абмяркоўваем культуру Кірмаш праектаў Культура на галоўнай Навіны "Будзьма!" Разам да справы! Ствараем культуру

Бабруйск – культурная сталіца 2017. Прапануй свой праект

Нядаўна кампанія “Будзьма беларусамі!” зладзіла грамадскую дыскусію “Бабруйск: якім мы хочам бачыць свой горад?”, дзе жыхары Бабруйска абмяркоўвалі візуальнае аблічча горада. Выявілася, што далёка не ўсе бабруйчане ў захапленні ад процьмы баброў-скульптур, малюнкаў, дэталяў вулічнай агароджы. Пры гэтым сам горад мае глыбокую гісторыю, чым вядомы нават за мяжой, а ў самім горадзе гэта амаль не адлюстравана. Неабыякавыя жыхары агучылі шмат цікавых ідэй і прапаноў. І цяпер набліжаецца той самы час, калі гэтыя задумы і прапановы не проста маюць шанец, а мусяць быць заўважанымі і здзейсненымі!

web

Для гэтага ёсць дзве добрыя нагоды.

Першая: Бабруйск абраны культурнай сталіцай Беларусі ў 2017 годзе.

Другая: грамадская культурніцкая кампанія “Будзьма беларусамі!” і Цэнтр даследавання грамадскага кіравання “СІМПА” запрашаюць да ўдзелу ў “Кірмашы праектаў”!

У вас ёсць ідэі, што і як трэба дадаць да культурнага жыцця Бабруйска? Чаго бракуе для камфортнага жыцця і пазнавальнага адпачынку жыхарам і гасцям горада? Якіх падзеяў і з’яў не хапае, каб бабруйчане адчувалі еднасць?

Тады “Кірмаш праектаў” для вас!

Што такое “Кірмаш праектаў”?

“Кірмаш праектаў” — фармат публічных мерапрыемстваў, які ўяўляе сабой конкурс ідэй, здольных вырашыць культурніцкія і/ці сацыяльныя праблемы. Кампанія “Будзьма беларусамі!” ладзіць такія конкурсы ў розных гарадах Беларусі, каб дапамагчы жыхарам горада знайсці выйсце ў рашэнні важных мясцовых пытанняў.

Як адбываюцца “Кірмашы праектаў?”

Кірмаш праектаў праходзіць у 3 этапы:

Этап 1. Збор ідэяў

Удзельнічаць у конкурсе можа любы ахвочы незалежна ад статусу і ўзросту. Дастаткова падаць заяўку і апісаць ідэю, якая нясе карысць грамадству і можа палепшыць культурнае жыццё Бабруйска.

Праекты ў фармаце прэзентацый PowerPoint і аналагічных з пазначэннем дадзеных удзельніка (прозвішча, імя, арганізацыя, назва праекта, кантактны нумар тэлефона) дасылайце да 18 студзеня 2017 года ўключна на kirmash.praektau@gmail.com з пазнакай “Кірмаш праектаў-Бабруйск”

Этап 2. Публічная прэзентацыя ў фармаце “маланкавай размовы” (5-7 хвлін, якія даюцца на ваш выступ). Дата будзе абвешчаная дадаткова

Падчас прэзентацыі ВЫ ЗМОЖАЦЕ:

  • распавесці пра свой праект/ідэю шырокай і невыпадковай аўдыторыі;
  • апрабаваць і прарэкламаваць свае задумы;
  • атрымаць экспертную і народную ацэнку свайго праекта;
  • знайсці аднадумцаў, партнёраў, валанцёраў, пляцоўкі і рэсурсы для рэалізацыі вашай ідэі;
  • пазнаёміцца з іншымі цікавымі і ініцыятыўнымі людзьмі свайго горада;
  • натхніць сваім прыкладам тых, хто таксама мае файныя ідэі, але пакуль не асмеліўся выйсці з імі на публіку;
  • і тым самым зрабіць свой унёсак, каб статус культурнай сталіцы Беларусі для Бабруйска быў не толькі намінальным, а насыціў год цікавымі для бабруйчан падзеямі і дапамог гораду выйсці на новы культурны ўзровень!

Падчас прэзентацыі праекты пабачаць афіцыйныя асобы і незалежныя прадстаўнікі культуры, грамадскія актывісты, прадстаўнікі бізнесу, турызму і іншыя зацікаўленыя, з кім будзе карысна абмеркаваць вашую прапанову ў дэталях.

Этап 3. Адбор і абвяшчэнне пераможцаў

Пасля выніковай імпрэзы экспертная рада адбярэ найбольш цікавыя і абгрунтаваныя праекты, з прадпрымальнай камандай і канкрэтнымі крокамі па рэалізацыі, новымі падыходамі да вырашэння праблем і культурна-сацыяльным кірункам. Кампанія “Будзьма беларусамі!” і “СІМПА” акажуць усю магчымую дапамогу: ад кансультацый да рэалізацыі.

Што трэба ўключыць у прэзентацыю?

  • Назва, мэта і сутнасць ідэі;
  • Чаму і каму гэты праект неабходны?
  • Калі і дзе ідэя мусіць рэалізавацца?
  • Якія рэсурсы вы ўжо маеце і якія — шукаеце? (каманда, партнёры, бюджэт).

Інструкцыя па падрыхтоўцы прэзентацыі:

“Кірмаш праектаў-Бабруйск” у сацыяльных сетках: ВКонтакте, Facebook

Як праходзілі Кірмашы праектаў у розных гарадах Беларусі, глядзіце тут.

Ёсць пытанні?

Мы адкажам: kirmash.praektau@gmail.com, (29) 191 22 67, (29) 319 93 09.

Чакаем вашых ідэй! Разам да справы!

Глядзіце таксама:

“Кірмаш праектаў для Маладзечна”: вызначаныя пераможцы!

Тэгі: , , , , , , ,

Дадаць каментар

*

*

Апошнія навіны

Яндекс.Метрика